Grupo di recherché a bolbe tene walk out awe mainta

Grupo di recherché a bolbe tene walk out awe mainta

Posted on 10/10/2019 11:34 am AST | Updated on 10/10/2019 11:47 am AST

SANTA CRUZ – Pa di dos biaha den un corto tempo, e departamento di recherche di Playa a tene un ‘walk out’ debi cu e situacion di trabou no a keda remedia. Algun tempo pasa caba, ora cu e protesta, gobierno a priminti un solucion temporal, pero te cu awor esaki no a materialisa. Como tal a opta pa bay den accion pa 2 ora, pa wak si gobierno e biaha aki ta tuma nan mas na serio. Si no haya reaccion, lo escala esaki. E accion di diabierna proximo, ta un otro tipo di accion, pero e recherchenan lo forma parti tambe di e accion ey. 

SITUACION

For di biaha pasa, e polisnan (recherche) a ‘walk out’ caba, pasobra e situacion no tabata duna mas pa traha. Algun luna atras a saca tur for di e departamento general na Frankrijkstraat, unda cu tabatin e.o. problema cu ‘schimmel’. A reparti tur recherche den diferente warda, pero algun recherche no a keda bon reparti, entre nan esunnan di Oranjestad. Ora cu a tene e ultimo accion, Minister di Husticia, Andin Bikker, mesora a acudi na e sitio (warda na Macuarima), unda cu a priminti cu lo ubica e grupo den e edificio di Doc Opleiding na Playa, y cu e edificio na Wayaca (ex Brown Building) tambe lo keda cla pa tur polis bay eyden. 

TARDANSA

Sinembargo segun e sindicato di polis SPA, nada no a sosode. Y mientrastanto ta mitar di october caba, december ta stop construccion, temporada di Carnaval ta cuminsa y tur trabou ta aumenta. Aworaki caba, recherche no por duna e servicio necesario manera mester ta, mientras cu crimen si ta sigui aumenta, y ta hayando hopi presion di Ministerio Publico pa trata e casonan cu ta andando. Mirando tur esaki, a dicidi di ranca e bel un biaha mas, pa asina wak si awor si gobierno ta duna nan e atencion cu a keda priminti. 

  • Preso Dominicano a huy for di GNC na Dakota

    Preso Dominicano a huy for di GNC na Dakota

    ORANJESTAD - Diaranson den eoranan di atardi personal femenino di GNC a bay atende cu un homber ilegal Dominicano, Guillen Vicente Jose Miguel, unda diaranson mainta el a haya su sentencia cu e no por keda Aruba mas. El a keda gara pa personal di GNC durante un control y e tabata tin 7 aña ilegal riba nos isla. Ora e personal di GNC a bay atende cu e homber pa habri e porta, e homber a pusha e porta di golpi dal e personal herid’e y asina logra huy. Debi cu e personal di GNC no tabata tin telefoon di trabou, a haci uzo di celular personal, pa nan a bati alarma na autoridad.

  • Warda costa a intercepta remolcador cu 2.200 kilo di cocaina

    Warda costa a intercepta remolcador cu 2.200 kilo di cocaina

    ORANJESTAD.- Warda costa a intercepta un remolcador cu 2.200 kilo di cocaina abordo dialuna marduga. Asina e vocero di Warda Costa Shalick Clement a confirma dialuna atardi pa Noticiacla.com. E remolcador 'Gracia' bou bandera di Samoa, tabatin 5 persona Venezolano abordo, a wordo acompaña pa waf na Playa pa mas investigacion. Cooperacion entre Warda Costa, Arumil, douane, polis K9, dept crimen organiza tur a yuda cu a logra gara e cantidad di droga aki. Despues a hiba e remolcador pa Marinierskazerne na Savaneta pa mas investigacion. Tur cinco persona a keda deteni y entrega na KPA. 

  • Dos auto a accidenta na crusada Caya Musica

    Dos auto a accidenta na crusada Caya Musica

    ORANJESTAD - Na e crusada di Caya Musica y Danza dialuna atardi a sosode un accidente entre dos auto pa falta di preferencia. Tanto e chauffeur den e van y e SUV a keda levemente herida y a keda atendi pa personal di ambulance. Polis di trafico y roadservice tabata na e sitio pa atende cu e accidente.

  • Dos herido den accidente na Macuarima

    Dos herido den accidente na Macuarima

    MACUARIMA - Diadomingo atardi net dilanti di Shahai na Macuarima a sosode un accidente entre dos auto. Chauffeur masculino den un ford a dal den un yaris biniendo for di zuid. Ambos auto a keda kibra y dos unidad di ambulance a presenta pa atende cu e victimanan.

  • Entrada hudicial na Weg Seroe Blanco a produci posibel arma di atraco

    Entrada hudicial na Weg Seroe Blanco a produci posibel arma di atraco

    ORANJESTAD - Un rato pasa Atraco Team a hasi un otro entrada hudicial na un cas na Weg Sero Blanco aki a bin confisca un revolver marca Smith & Wesson probablemente usa den e atraconan. Un peticion na e pueblo si bo sa algo of a wak algo jama e tiplijn di polis cu ta 11141. Tur informacion ta importante.

  • Manera anticipa, miembronan di sindicato di polis a bay den accion

    Manera anticipa, miembronan di sindicato di polis a bay den accion

    BARCADERA – Manera anticipa, sindicato di polis a organisa un accion di dos ora pa su miembronan diabierna atardi 1’or pa mustra nan malcontento cu gobierno pa e asunto di pago di indexering. For di april nan ta tratando na haya un palabracion cu gobierno, pero segun e presidente di e sindicato Dirksz, gobierno ta blo pidi pa mas tempo, pero no ta bin cu nada concreto. Como tal miembronan a dicidi cu ta basta y a dicidi cu ta cuminsa cu e prome accion di 2 ora. Depende e reaccion cu nan haya, nan por extende esaki. E accion sinembargo no a pone polis plat, pero a causa un asina yama ‘minimale bezetting’. Despues di e accion, polisnan a reanuda nan trabou. Polisnan mes momento no tabata kier presencia di minister di husticia, Andin Bikker contrario na su peticion pa ta presente. Esaki pasobra segun e polisnan, tur e tempo nan no a tende nada di e mandatario y awor cu ta bay accion, e mandatario kier core bin e reunion. 

  • Powered by SETAR