Debate 'cayente' den Tweede Kamer ora cu a trata Aruba, Corsou y St Maarten

Debate 'cayente' den Tweede Kamer ora cu a trata Aruba, Corsou y St Maarten

Posted on 10/9/2019 6:19 pm AST | Updated on 10/9/2019 6:23 pm AST

DEN HAAG – Biña bieu den saco nobo, ta con mayoria di parlamentarionan Hulandes a considera e argumentonan di colega parlamentario di VVD Andre Bosman e siman aki durante un debate riba Caribe Hulandes y e presupuesto di Relacionan di Reino. Tabata durante e reunion aki den Tweede Kamer, cu parlamentarionan Hulandes a subi lomba di otro riba e tema di Caribe Hulandes, particularmente e relacion entre Hulanda y e islanan akibanda. E partido den coalicion VVD ta fada cu Aruba segun su representante Andre Bosman. Pero coleganan Parlamentario no ta riba e mesun liña cu ne. Bosman kier cambia statuut, mientras cu coleganan ta haya cu Hulanda no por y no mester bandona e islanan.  

DEBATE

E tema a causa pa un momento di debate cayente entre miembronan di VVD (Bosman) y CDA(Chris van Dam). Dado momento ora cu Bosman a compara e situacion cu alcoholismo, van Dam a cana bay. Bosman kier men cu, ‘e situacion actual ta mescos cu si e islanan ta alcoholic, y Hulanda duna nan un cerbes pa bay ‘calma nan’. Segun Bosman, no tin sentido pa haci palabracion mas, pasobra gobernantenan di Caribe Hulandes no ta tene nan mes na palabracion toch. Y ora cu cos pega si, nan ta bira wak Hulanda. 

BIÑA

E partidonan manera CDA (di coalicion) y oposicion (Groenlinks), VVD ta laga e islanan pa nan cuenta, siendo cu tin desaroyo positivo politico, entre e generacion nobo. Aki ta unda cu a referi na e comentarionan repetitivo di Bosman, como ‘biña bieu den saco nobo’. E tema di biña a bin ora cu Bosman a reta algun parlamentario un of dos biña caro, ora di trata e tema di e islanan aki y nan situacion. Mas concreto, el a bet dos biña caro y un cena, pa e hecho cu e islanan di Reino Hulandes lo no presenta ora cu trata e futuro di nan y nan posicion den e statuut actual. Bosman kier cambia esaki pero cu e islanan no ta reaccionando riba e tema. Esaki ora cu e secretario di estado Hulandes Raymond Knops a priminti di lo bay papia cu e islanan riba  tema. Potret ta screenshot di debate den Tweede Kamer. 

  • Miles di cunukero Hulandes rabia a mobilisa pa Den Haag pa protesta

    Miles di cunukero Hulandes rabia a mobilisa pa Den Haag pa protesta

    DEN HAAG – Miles di cunukero Hulandes diaranson a mobilisa pa Den Haag, pa asina atende cu e politiconan di e pais Hulandes. E motibo di nan preocupacion y rabia, ta e declaracionan di varios politico pa minimalisa e uso di Ganado pa reduci asina e cantidad di nitrogen cu esaki ta produci. Nan tin varios dia ta protesta, pero diaranson a dicidi di ataca e curason di e pais, por lo menos e parti politico pa haya atencion. Politica di Den Haag a spanta y a mobilisa militarnan cu tanki pa proteccion. Cos no a bay asina leu, y ta apenas 4 cunukero a keda deteni. Nan ta bolbe diahuebs atrobe, a wordo bisa. Nan a bin cu nan tractor pa asina blokea tereno, caminda y cualkier otro lugar cu tabata por. Pa anochi, nan a bolbe nan respectivo ciudad atrobe. 

  • LAFT y posibel aanwijzing pa Aruba ta riba agenda di RMR

    LAFT y posibel aanwijzing pa Aruba ta riba agenda di RMR

    DEN HAAG – Den un carta di 2 pagina cu noticiacla.com tin den su poder, secretario di estado Hulandes Raymond Knops, ta confirma na gobierno di Aruba cu pa e proximo Rijksministerraad (RMR), tratamento di e ley di LAFt lo ta riba agenda, y hunto cu ne, e posibel ‘aanwijzing’, esta instruccion pa Aruba, manera sugeri pa e colegio di supervision financiero (CAFt) . Wever (lesa otro articulo adhunto) a confirma na noticiacla.com cu dialuna merdia siman pasa ‘porfin’ el a ricibi e carta ey. 

  • Investigacion riba drama familiar Arubano na Dordrecht ta confirma cu polis a actua su so

    Investigacion riba drama familiar Arubano na Dordrecht ta confirma cu polis a actua su so

    DORDRECHT – E investigacion riba e drama familiar, unda cu un polis Arubiano (Wendell C.) di 35 aña a tira su famia y e mes mata, ta cla. Asina polis Hulandes a raporta segun e portal NOS. E investigacion tabata den dos parti, esta e caso di tiramento di e tata, casa y polis, y e sucesonan di e dia cu por a conduci na e tragedia aki. Un cos ta cla, cu e homber a actua su so y cu ta problema familiar cu e casa, ta loke a pone cu e homber a comete e acto aki. 

  • Militar Hulandes ta desmenti cu cocaine haya na Corsou tabata di dje

    Militar Hulandes ta desmenti cu cocaine haya na Corsou tabata di dje

    ARNHEM – E militar Hulandes cu recientemente a keda deteni pa tabatin cocaine den su posesion, ta nenga esaki. Asina e agencia di noticia ANP ta raporta. Esaki e militar di 33 aña a bisa dilanti un tribunal militar na Arnhem dialuna. Ta acusa e militar di intento pa trafica 70 kilo di cocaine for di un base militar na Corsou pa Hulanda. E droga a keda intercepta fin di juni den container riba base militar na Parera, Corsou. Un dia despues a detene e militar di Limburg. Su DNA tabata riba un tas di plastic cu cocaine den un di e pakinan, e fiscal a revela dialuna. Tambe, un marechaussee a haya un telefon tipo PGP den su cashi personal.  Potret cortesia Persbureau Curacao. 

  • Arubahuis na futuro studiantenan: Busca vivienda tempran ora studia na Hulanda

    Arubahuis na futuro studiantenan: Busca vivienda tempran ora studia na Hulanda

    DEN HAAG – Tur aña Arubahuis ta informa riba e importancia pa futuro studiantenan cu kier bin studia na Hulanda pa tuma accion na tempo pa regla e asunto di vivienda. E studiante cu tin pensa di bay studia na Hulanda mester tene cuenta cu mester inscribi pa kamber sigur un of dos aña di antemano, dependiendo e ciudad. Arubahuis ta keda enfatisa riba e importancia di regla vivienda na tempo mi-rando e scarsedad grandi cu tin den diferente ciudad. Mas tempran bo orienta y inscribi, mas grandi bo chensnan ta pa haya un lugar di biba ora cu bo bin studia na Hulanda. Arubahuis hunto cu e mentor-nan tin e tarea pa duna e informacion y conseho necesario con por yega na vivienda. Nos ta enfatisa cu e studiante mes ta keda responsabel pa haya y regla su vivienda na Hulanda. 

  • A intercepta 1500 kilo di cocaine na haf di Rotterdam na Hulanda

    A intercepta 1500 kilo di cocaine na haf di Rotterdam na Hulanda

    ROTTERDAM –Den haf di Rotterdam na Hulanda, autoridad a intercepta 1500 kilo di cocaine. Nan tabata procedente di Colombia y tabata den un container di bacoba. E cocaine a keda confisca pa un ekipo di douane, polis y FIOD. Ministerio publico a bisa cu a destrui e cocaine mientrastanto. E tabatin un balor riba caya di entre 60 pa 90 miyon euro. Un siman prome, a detecta otro lote di cocaine, mas chikito di 186 kilo, tambe di Colombia y tambe scondi den bacoba.  

  • Powered by SETAR