Investigacion riba drama familiar Arubano na Dordrecht ta confirma cu polis a actua su so

Investigacion riba drama familiar Arubano na Dordrecht ta confirma cu polis a actua su so

Posted on 10/9/2019 5:56 pm AST | Updated on 10/10/2019 11:21 am AST

DORDRECHT – E investigacion riba e drama familiar, unda cu un polis Arubiano (Wendell C.) di 35 aña a tira su famia y e mes mata, ta cla. Asina polis Hulandes a raporta segun e portal NOS. E investigacion tabata den dos parti, esta e caso di tiramento di e tata, casa y polis, y e sucesonan di e dia cu por a conduci na e tragedia aki. Un cos ta cla, cu e homber a actua su so y cu ta problema familiar cu e casa, ta loke a pone cu e homber a comete e acto aki. 

E TRAGEDIA

A mustra cu e homber riba dia di e asesinato, a bolbe warda di polis, unda cu e ta traha na Dordrecht, pa busca su arma reglamentario. E tabata cla 5or na trabou, pero a bolbe un ora despues y hiba su arma cas. Un mey ora despues, el a tira su casa Maryori y yiunan; Nicolle (12) y Naiomy (8) mata. Y pa finalmente tira su mes mata. Ora cu e homber a yega cas, su yiu muher mayor Nicolle no tabata na cas. El a yam’e y puntr’e pa bin cas. Ora cu e yiu a yega, el a tira nan tur, y comete suicidio. Loke a resulta pues ta hopi cla tambe di e investigacion ta, cu Wendell a actua su so. Y for di e investigacion, e motibo pues pa e matamento, tabata problema familiar. E otro parti di investigacion ta trata, si polis por a evita e uzo di e arma reglamentario, pues ora cu el a bin busc’e na su trabou. No ta mucho conoci kico a sali di e investigacion ey. 

E FAMIA

Pa loke ta e famia, Wendell tabata traha hopi aña na polis na Dordrecht. E ta naci na Aruba, unda cu el a topa su casa Maryori. E casa a sali na estado cu 15 aña di Wendell, cu e tempo ey tabatin 23. Despues di nacemento di Nicolle, nan a muda pa Hulanda, unda cu el a haya e di dos yiu. Net prome cu e asesinato, nan matrimonio feliz a yega na un fin. E kiebro no tabata den bon harmonia y e casa y e dos yiunan tabata cla pa bandona e cas y biba cerca mama di Maryori. E cas ey  tabata a penas 900 meter mas leu. Maryori y Wendell lo tabatin un cita cu abogado dos dia despues di e tragedia, pa regla e asuntonan bon di divorcio. Despues Maryori lo a muda. De facto, tabatin un tas cu paña cla poni caba pa muda. 

 .

  • Hasta KNMI ta spera un temporada di horcan 2024 super activo pa laman Caribe

    Hasta KNMI ta spera un temporada di horcan 2024 super activo pa laman Caribe

    DEN HAAG – E instituto Real Meteorologico di Hulanda KNMI ta spera un temporada di horcan hopi activo pa 2024. Asina e instituto ta bisa den su raportahe awe riba su porta. E temperaturanan den laman ta hopi cayente cu ta net loke e sistemanan tropical mester pa fomenta e ciclonan den Atlantico y Caribe. “E temperature cayente por tin hopi influencia riba e temporada di horcan di 2024” KNMI ta bisa. “Nos ta spera un temporada di horcan hopi activo mes”.

  • Defensa Hulandes ta suministra pompnan mobil di emergencia na kazernenan di Marina na Aruba

    Defensa Hulandes ta suministra pompnan mobil di emergencia na kazernenan di Marina na Aruba

    DEN HAAG - Instituto Hulandes pa Siguridat Públiko (Nederlandse Instituut voor Publieke Veiligheid (NIPV) awe ta transferí tres pòmp mobil di emergensia i nan baki ku slan pertenesiente, na Brantwer di Marina. Dentro di poko tempu nan lo bai pa Kòrsou i Aruba.  E sistema di kònteinernan HCP aki ta  intenshoná pa kazèrnenan di Marina riba e islanan. Pero Brantwer lokal tambe por hasi uso di nan na momentu di inundashon.  Brantwer di Marina i NIPV awe a firma e akuerdo di transferensha.

  • Wever: Grupo Hulandes kier bin cu ‘Ferris Wheel’ den Oranjestad

    Wever: Grupo Hulandes kier bin cu ‘Ferris Wheel’ den Oranjestad

    SCHEVENINGEN – Siman pasa diabierna Minister Geoffrey Wever a haci un bishita na The Pier Skyview na Scheveningen, Hulanda, unda e mandatario a reuni cu interesadonan priva cu a expresa nan entusiasmo pa introduci un atraccion similar na Aruba, specificamente den e ciudad di Oranjestad.

  • Minister Thijsen: Aruba kier ta mas visible na Hulanda riba tema di structura estatal

    Minister Thijsen: Aruba kier ta mas visible na Hulanda riba tema di structura estatal

    DEN HAAG  –Minister Plenipotenciario mr. Ady Thijsen y esposa a tene un recepcion pa celebra Dia di Himno y Bandera na Hulanda. Desde 2015 Arubahuis ta tene un recepcion pa invitadonan for di e mundo politico, embahadornan, functionarionan halto di Estado of di ministerionan cu lasonan estrecho cu Aruba. Tambe miembronan prominente for di e comunidad Arubiano na Hulanda y representantenan commercial y di institutonan di enseñansa tanto riba nivel di HBO como Universidad.

  • Hulanda investigando morto di dos tripulante riba barco crucero Holland America Line

    Hulanda investigando morto di dos tripulante riba barco crucero Holland America Line

    AMSTERDAM – E Conseho di Investigacion pa Seguridad Hulandes (OVV) ta investigando un accidente riba un barco crucero di Holland America Line di siman pasa. Riba e barco Nieuw Amsterdam, cu ta nabega bou di e bandera Hulandes, tabatin un accidente unda cu dos tripulante a fayece. Esaki a sosode den cercania di Bahamas, ora cu algo a pasa den camber di motor.  Segun informacion, tabatin un explosion. E barco a sali dia 16 di maart ultimo for di Ft Lauderdale pa un crucero di un siman. 

  • Corant a faya! Ex politico Hoogervorst no ta candidato pa prome minister

    Corant a faya!  Ex politico Hoogervorst no ta candidato pa prome minister

    DEN HAAG – E corant Hulandes AD a retira e articulo cu e prominente di partido VVD Hans Hoogervorst ta wak su mes como candidato pa prome minister nobo di Hulanda den e proximo gabinete. “Nos ta ofrece nos disculpa pa e conmocion crea’ e corant ta raporta. Aparentemente un persona a presenta sum es como Hoogervorst y e corant a cay pa e trampa. E motibo di cu nan a revoca e noticia, ta pasobra e  ex politico a menasa di cuminsa un investigacion forensico pa cu e forma con e noticia a keda publica.  E tabata un periodo caba for di bista como politico, y tabata den pasado ex minister di finanza y salud. Segun Hoogervorst, nunca e la papia cu e corant. E corant sinembargo tabata convenci cu esey tabata e caso si. Pero despues a dicidi pa revoca e noticia toch. 

  • Powered by SETAR