Turkia a inicia atake aereo den norte di Siria diaranson

Turkia a inicia atake aereo den norte di Siria diaranson

Posted on 10/9/2019 2:49 pm AST | Updated on 10/9/2019 2:50 pm AST

ANKARA – Turkia a inicia atake aereo den parti norte di SIria diaranson. Presidente Turko Erdogan a anuncia e comienso di e operacion militar algun rato prome. E accion a bin despues cu presidente Mericano Donald Trump a dicidi pa retira e trupanan Mericano cu tabata sostene e trupanan Kurdo den parti norte di Siria. E grupo Sirio (SDF) a confirma cu Turkia a inicia cu e atakenan. “Tin hopi panico entre e hendenan”, nan a bisa. E motibo di e atake ta pasobra gobierno Turco kier tene e militia Kurdo riba distancia, cu segun Turkia, ta consisti di terorista. Banda di esey Erdogan kier crea un area unda cu por acapara 2 pa 3 miyon di refugiado Sirio. Actualmente nan ta den Turkia. Presidente Mericano Donald Trump a laga sa cu 50 militar Mericano a bandona e area cu nan tabata vigila.

 .

 

  • E ta oficial. Partido di presidente Desi Bouterse a perde eleccion na Surnam

    E ta oficial. Partido di presidente Desi Bouterse a perde eleccion na Surnam

    PARAMARIBO – Un siman y mei despues di eleccion na Surnam, e resultado ta official: partido di presidente Desi Bouterse a perde y di opositor Chan Santokhi ta e ganador. VHP (Santokhi) ta haya 20 di e 51 asiento, NDP (Bouterse) ta perde 10 asiento y ta keda cu 16. E resultado inicial tabata cla pero mester a warda 3 di e 639 urnanan electoral. Mientrastanto 4 partido di oposicion a cuminsa traha caba riba e acuerdo di gobernacion. Nan ta spera di por presenta esaki dentro di un luna. Santokhi a bisa di ta dispuesto pa e funcion di presidente. Pero no ta sigur si e lo logra. Pa esaki, mester di 2/3 parti den parlamento. Hunto e cuater partidonan tin 33 asiento y mester di 34 pa e presidencia. Mientastanto a anuncia un lockdown cu ta valido te 12 di juni, debi na COVID19. 

  • Posibel indicacion cu Madeleine McCann a keda asina 13 aña pasa

    Posibel indicacion cu Madeleine McCann a keda asina 13 aña pasa

    BONN – Ministerio publico Aleman a detene un homber di 43 aña pa morto di e mucha Britanico Madeleine McCann 13 aña pasa. E homber ta cera caba pa un sentencia den un otro caso. E corant Bild ta bisa cu Christian B, un pedofiel, lo a secuestra McCann na Portugal y despues asesine. Aña pasa B a keda sentencia pa un otro caso di pedofiel. Cu esaki tin mas chens pa resolve e caso cu tin 13 aña caba ta buscando un solucion pa e caso aki. 

  • Surnam a anuncia otro lockdown debi na aumento di caso di COVID-19

    Surnam a anuncia otro lockdown debi na aumento di caso di COVID-19

    PARAMARIBO – Surnam a anuncia un siman di lockdown fuerte cu ta drenta na vigor diahuebs anochi te diabierna mainta 12 di juni 2020. Asina e vice presidente di e pais, Ashwin Adhin a declara diaranson durante un discurso nacional televisa. E medida ta debi cu e cantidad di casonan positivo di COVID-19 a aumenta di 23 na 54 den corto tempo. Por considera esaki un di dos ola. 

  • Scolnan na varios parti di mundo a bolbe cera debi na COVID19

    Scolnan na varios parti di mundo a bolbe cera debi na COVID19

    AMSTERDAM – Scolnan na Hulanda, Israel y Alemania a cuminsa cera porta debi na COVID-19. Na Hulanda ta trata di un scol basico na Den Haag, unda cu 2 docente a keda contagia. Na Israel tabatin un brote mas grandi unda cu 30 scol basico y secundario a cera. Por lo menos 220 docente y alumno a keda contagia y 10 mil ta den cuarentena. Na Alemania den e ciudad di Göttingen, a cera tur scol bek debi na un brote nobo di COVID-19. Esaki ta si debi na un fiesta priva unda cu 80 hende a keda contagia, entre cual mucha

  • Papa Francisco ta condena morto di George Floyd y ta preocupa cu disturbionan

    Papa Francisco ta condena morto di George Floyd y ta preocupa cu disturbionan

    ROMA –Papa Francisco a yama e morto di e ciudadano Mericano George Floyd na man di agentenan policial como ‘tragico’ y a considera e disturbio na Merca como ‘preocupante. Despues di 8 anochi di protesta na Merca, Francisco a adresa e morto di Floyd diaranson durante su resamento na Vaticano. Segun e pontifice, no por tolera racism y exclusion den cualkier forma y ainda defende e santidad di cada ser humano. Ademas e ta bisa cu mester reconoce cu violancia di e ultimo anochinan ta auto destructivo. E declaracion ey ta hopi inusual pa un pontifice pa haci mencion di un persona pa nomber. Di otro banda, segun Vaticano, e tabata un apelacion special. 

  • Tormenta Tropical Cristobal a nace den Golfo di Mexico

    Tormenta Tropical Cristobal a nace den Golfo di Mexico

    MIAMI – E di tres tormenta cu nomber a nace diamars y ta haya e nomber Cristobal. Awe tardi 5’or e tabata ubica 1540 miya west zuid west di Campeche, Mexico. E tin biento di 65 kilometer pa ora, y ta moviendo Sur, of 170 grado na 36 km pa ora. E no ta un menasa pa Aruba y nos region. E ta confirma si cu e temporada di horcan 2020 ta mas activo cu normal y cu apenas 2 dia official den e temporada, cu nos tin ya 3 tormenta cu nomber. E promenan a nace prome cu e temporada a cuminsa. Ta premira entre 12 pa 16 tormenta cu nomber y maximo 8 horcan di cual 5 hopi serio.

  • Powered by SETAR