OM a seponeer caso contra Espinoza di hortamento di ekipo di gobierno

ORANJESTAD – Ministerio publico a seponeer (cera) un di e dos caso cu (taba)tin contra periodista Marko Espinoza. Esun cu a keda seponeert ta data di december di 2017, ora cu el a keda deteni, acusa di a horta ekiponan electronico di gobierno di Aruba. Esaki a keda confirma pa vocero di OM, esta Ann Angela. Seponeer kier men pues cu no ta sigui mas cu e caso. E tempo ey, a detene Espinoza pa cual el a keda cera pa 6 dia largo. Hunto cu dos otro persona, Espinoza a keda deteni, aunke cu e otro dosnan apenas un dia despues caba a recobra nan libertad.  Manera cu NoticiaClaco.com a raporta e caso, esaki a haya hopi atencion mirando cu ta trata di personanan liga cu prensa. Mirando cu ta trata di personanan liga cu e gobierno anterior, opositornan a label e asunto como persecusion politico. E siman despues a habri cu prome minister Evelyn Wever pidiendo pa cualkier persona cu (taba)tin equipo na nan cas, cu por ta di gobierno, pa trece esaki bek. Mesun dia a trece ekiponan bek cu a pone comentarionan circula cu si tin hende deteni pa e caso caba, pakico ta pidi otronan tambe entrega equipo. Keda pendiente pa mas informacion. 

OTRO CASO

E otro caso contra Espinoza ta referi esun di portofoon, pa cual el a keda sentencia algun tempo atras, pa cual Espinoza a bay den apelacion. E caso ey, contrario na esun anterior, no a keda seponeert. NOTA: foto ta di pagina di facebook di Marko Espinoza.