Riu Hotel & Resorts a cera partnership cu fundacion Ha’Bon Aruba

Posted on 10/7/2019 5:18 pm AST | Updated on 10/7/2019 5:18 pm AST

ORANJESTAD - Riu Hotel & Resorts a cera un partnership cu Ha’Bon Aruba, tur cliente di e hotel lo haci uzo di un habon traha na Aruba. Tanto Riu Hotel como Ha’Bon Aruba ta orguyoso di e partnership, pero tambe di e oportunidad cu ta brinda na nos muchanan special pa traha.

Di a entrega un pedido grandi di habon na Riu Hotel & Resorts ta un logro hopi grandi. Naline Heilbron, fundado y director di Ha’Bon Aruba, a expresa cu nan a cuminsa na 2015 haciendo habon arsenal, pero awo a entrega un cantidad di no menos cu 2000 na Riu Hotel & Resorts. Esaki ta duna ora cu tin dedicacion, compromiso y tin un producto di calidad halto, hotelnan manera Riu Hotel & Resorts ta hopi interesa.

Naline Heilbron mes ta haci e producto, pero awe Ha’Bon Aruba ta consisti di 20 persona cu limitacion y ta encarga cu e departamento di “packaging”. Nan ta empaketa tur habon na man y fundacion Ha’Bon Aruba ta paga nan a base di nan produccion. Tur esaki ta engrandece compania Ha’Bon Aruba y mas pedido nan haya, mas trabou nan tin.

Loke resta di e produccion di habon, habonnan cu ta keda den e molds of habonnan cu ta ricibi bek cu no por bende, tur esaki nan ta reprocesa bek y ta combirti nan bek den habon nobo. Nan no ta bende esaki, pasobra e fundacion no ta solamente a base di “profit” y benta, pero ta duna esaki na Fundacion pa Nos Comunidad. E fundacion tin un lista di hende cu ta ricibi e canasta di alimento. Ha’Bon Aruba ta orguyoso di provee productonan di primera necesidad, un producto di higiena.

Esaki p’e fundacion ta hopi importante. E “corporate social responsibility” den Ha’Bon Aruba ta hopi grandi. Nan ta purba di traha cu e miho productonan, cu e miho ingredientenan pero tambe cu e eco friendly packaging. E ta un logro pa nan y ta spera di por haya mas cliente manera Riu Hotel & Resorts. E partnership aki ta importante p’e fundacion y ta spera cu e por sigui como un “fruitful business relationship”.

Riu Hotel & Resorts ta orguyoso di e partnership cu Ha’Bon Aruba, demostrando un biaha mas su sosten no solamente cu e fundacion pero tambe cu personanan cu limitacion. Nos ta agradecido na Ha’Bon Aruba pa por traha hunto, pero tambe ta contento di mira cu ta traha cu Stichting voor Verstandelijk Gehandicapten Aruba (S.V.G.A.).

  • Conocido ciudadano y comerciante Miro Dabian a bay sosega

    Conocido ciudadano y comerciante Miro Dabian a bay sosega

    ORANJESTAD – Conocido ciudadano y comerciante Miro Dabian a bay sosega. E tabata bringando cu salud pa hopi tempo y finalmente a perde e bataya contra cancer. E tabata director di Aruba huis den añanan 80 y despues a traha como gerente di e compania di seguro Boogaard.  

  • DVG: Lo persigui hende penalmente si nan gara, mata of bende tortuga

    DVG: Lo persigui hende penalmente si nan gara, mata of bende tortuga

    ORANJESTAD - Den luna di mei restonan di turtuga a ser encontra na diferente sitio manera Boca Grandi, Fisherman’s Hut, Rooi Kochi en Sabana Blanco. Mayoria di e restonan encontra ta di Hawksbill seaturtle (Eretmochelys imbricate) y Green turtle (Chelonia mydas) y e restonan mayoria tawata indica un morto no natural y ilegal. 

  • Cuarentena obligatorio ta keda na vigor pa esnan cu yega Aruba

    Cuarentena obligatorio ta keda na vigor pa esnan cu yega Aruba

    ORANJESTAD – Tanten cu no haci un otro anuncio, e regla actual di cuarentena obligatorio pa esnan cu yega Aruba, ta keda vigente. Asina Sharline Koolman di e Crisis team di COVID-19 a contesta noticiacla.com dialuna anochi durante e briefing. A bisa si cu ta deliberando riba e definicion ‘nobo’ di cuarentena. “E momento cu bin cambio na esaki, e lo wordo anuncia mescos cu tur otro versoepeling of medida cu wordo imponi, nos lo avisa esaki na tempo” Koolman a sigui bisa. “Pa aworakinan, e cuarentena ta obligatorio pa tur hende cu ta drentando Aruba” Koolman a sigui bisa. 

  • Si mayornan no manda yiunan scol otro siman, esaki lo tin consecuencia

    Si mayornan no manda yiunan scol otro siman, esaki lo tin consecuencia

    ORANJESTAD – Ora cu scolnan basico y preparatorio habri 100% otro siman na Aruba, pero e mayornan dicidi toch cu no ta hiba mucha scol, e lo tin consecuencia pa e mayornan. Asina a compronde di prome minister Evelyn Wever Croes dialuna anochi durante e briefing riba Coronavirus. “Bo ta perhudica e mucha door di no lag’e bay scol” Wever a bisa noticiacla.com dialuna anochi. A puntra e mandatario, si tin consecuencia pa mayornan si nan toch tin miedo ainda pa hiba nan yiunan scol. Y e contesta pues ta si. A anuncia cu bureau leerplicht tambe ta informa di e situacion. 

  • Otro siman scolnan basico y preparatorio por habri 100% bek

    Otro siman scolnan basico y preparatorio por habri 100% bek

    ORANJESTAD – Entrante otro siman dialuna 8 di juni 2020, scolnan basico y preparatorio por habri bek 100%. Asina prome minister di Aruba Evelyn Wever Croes a anuncia dialuna anochi den e briefing pa Corona virus. Esaki ta nifica cu contrario na e forma con a habri e siman aki cu alumnonan mester a bay den dos grupo, y parti riba algun dia, esaki no mester mas entrante otro siman. Esey ta nifica cu entrante otro siman, alumnonan por bay scol henter dia tur dia, pa e periodo cu falta prome cu vacacion escolar. 

  • Patruyanan intensivo lo kontinua rondo di islanan ABC

    Patruyanan intensivo lo kontinua rondo di islanan ABC

    ORANJESTAD - WardaCosta huntO ku Defensa lo continua cu patruyanan intensivo rondo di e islanan di Aruba, Boneiru y Corsou. E patruyanan amplio aki ta principalmente pa evita yegada di lanchanan cu personanan indocumenta na bordo cu por ta infecta cu e virus di COVID-19. Na momento cu e personanan aki yega e islanan sin ser controla, nan por forma un peliger pa habitantenan.

  • Powered by SETAR