Riu Hotel & Resorts a cera partnership cu fundacion Ha’Bon Aruba

Posted on 10/7/2019 5:18 pm AST | Updated on 10/7/2019 5:18 pm AST

ORANJESTAD - Riu Hotel & Resorts a cera un partnership cu Ha’Bon Aruba, tur cliente di e hotel lo haci uzo di un habon traha na Aruba. Tanto Riu Hotel como Ha’Bon Aruba ta orguyoso di e partnership, pero tambe di e oportunidad cu ta brinda na nos muchanan special pa traha.

Di a entrega un pedido grandi di habon na Riu Hotel & Resorts ta un logro hopi grandi. Naline Heilbron, fundado y director di Ha’Bon Aruba, a expresa cu nan a cuminsa na 2015 haciendo habon arsenal, pero awo a entrega un cantidad di no menos cu 2000 na Riu Hotel & Resorts. Esaki ta duna ora cu tin dedicacion, compromiso y tin un producto di calidad halto, hotelnan manera Riu Hotel & Resorts ta hopi interesa.

Naline Heilbron mes ta haci e producto, pero awe Ha’Bon Aruba ta consisti di 20 persona cu limitacion y ta encarga cu e departamento di “packaging”. Nan ta empaketa tur habon na man y fundacion Ha’Bon Aruba ta paga nan a base di nan produccion. Tur esaki ta engrandece compania Ha’Bon Aruba y mas pedido nan haya, mas trabou nan tin.

Loke resta di e produccion di habon, habonnan cu ta keda den e molds of habonnan cu ta ricibi bek cu no por bende, tur esaki nan ta reprocesa bek y ta combirti nan bek den habon nobo. Nan no ta bende esaki, pasobra e fundacion no ta solamente a base di “profit” y benta, pero ta duna esaki na Fundacion pa Nos Comunidad. E fundacion tin un lista di hende cu ta ricibi e canasta di alimento. Ha’Bon Aruba ta orguyoso di provee productonan di primera necesidad, un producto di higiena.

Esaki p’e fundacion ta hopi importante. E “corporate social responsibility” den Ha’Bon Aruba ta hopi grandi. Nan ta purba di traha cu e miho productonan, cu e miho ingredientenan pero tambe cu e eco friendly packaging. E ta un logro pa nan y ta spera di por haya mas cliente manera Riu Hotel & Resorts. E partnership aki ta importante p’e fundacion y ta spera cu e por sigui como un “fruitful business relationship”.

Riu Hotel & Resorts ta orguyoso di e partnership cu Ha’Bon Aruba, demostrando un biaha mas su sosten no solamente cu e fundacion pero tambe cu personanan cu limitacion. Nos ta agradecido na Ha’Bon Aruba pa por traha hunto, pero tambe ta contento di mira cu ta traha cu Stichting voor Verstandelijk Gehandicapten Aruba (S.V.G.A.).

  • Stichting Parkietenbos y Serlimar a reuni riba holor malo na Ser’i Teishi

    Stichting Parkietenbos y Serlimar a reuni riba holor malo na Ser’i Teishi

    ORANJESTAD - Stichting Parkietenbos y Serlimar a reuni riba holor malo na Ser’i Teishi. Segun un comunicado di e fundacion, un team di boluntario cu ta forma parti di Stichting Parkietenbos a topa cu Serlimar na Ser’i Teishi diaranson mainta pa 9’or y mei. Esaki tabata un reunion solicita ya pa algun siman caba di parti di e fundacion di e barionan pa motibo cu ademas di huma y holor malo di e dump di Parkietenbos, holor malo di Ser’i Teishi tambe a cuminsa afecta e barionan concerni. E team di habitantenan tabata di e barionan: Mahuma,  Parkietenbos, Simeon Antonio, Buena Vista y Bucutiweg. Nan a reclama energicamente na Serlimar e holor malo cu ta biniendo di e area di Ser’i Teishi y kier a haya un splicacion pasobra cu e solucion temporal aki ta birando un di dos molester y peliger pa salud di e famianan di e barionan den sercania. 

  • Situacion na aeropuerto Reina Beatrix a normalisa despues di evacuacion

    Situacion na aeropuerto Reina Beatrix a normalisa despues di evacuacion

    ORANJESTAD – Un ora despues cu aeropuerto Reina Beatrix a bati alarma di evacuacion awe mainta, e situacion a normalisa atrobe. Manera cu noticiacla.com a raporta inicialmente, a evacua tur persona den e terminal di yegada den careda di 9:30am debi na un problema cu e sistema di UPS (Uninterruptible Power Supply ) den e centro di comunicacion. Asina representante di aeropuerto Barbara Brown a comunica e momento ey. No tabata conoci exactamente kico e embergadura di e problema tabata exactamente. A busca cuerpo di bombero pa atende e situacion y evalua si ta kita e sistema UPS of no. Mientrastanto buelonan por a sigui opera, pero pasaheronan cu tabata yega Aruba, no por a baha di avion ainda.  A resulta finalmente cu e situacion no tabata asina grave. Segun vocero di aeropuerto, e  board di e computer a kima y no e baterianan, manera cu a kere inicialmente, cu por tabata mas grave. Mientrastanto tur empleado ta bayendo bek paden di e edificio. 

  • A evacua personal den terminal di yegada di Aeropuerto Reina Beatrix

    A evacua personal den terminal di yegada di Aeropuerto Reina Beatrix

    ORANJESTAD – Awe mainta aeropuerto Reina Beatrix a evacua tur persona den e terminal di yegada, debi na un problema cu e sistema di UPS (Uninterruptible Power Supply )den e centro di comunicacion. Asina representante di aeropeurto Barbara Brown a comunica awe mainta. No ta conoci exactamente kico e embergadura di e problema ta exactamente. A busca cuerpo di bombero pa atende e situacion y evalua si ta kita e sistema UPS of no. MIentrastanto buelonan por a sigui opera, pero pasaheronan cu tabata yega Aruba, no por a baha di avion ainda. Keda pendiente pa mas informacion. 

  • Cruz Cora Aruba a colecta mas di 35 mil florin pa damnificadonan di horcan na Bahamas

    Cruz Cora Aruba a colecta mas di 35 mil florin pa damnificadonan di horcan na Bahamas

    ORANJESTAD – Cruz Cora Aruba a colecta 35.604 mil florin y a manda esaki pa yuda damnificadonan na Bahamas pa daño cu horcan Dorian a causa recientemente eynan. Cruz Cora a informa esaki recientemente despues di tur e colectanan cu a tuma lugar recientemente. Ta custumber cu ora cu tin situacionan asina, cu Cruz Cora ta haci colecta pa asina yuda bisiñanan den necesidad.

  • Minister Oduber no ta esun pa determina cu Ecogas mester cera pasobra el lo a fracasa

    Minister Oduber no ta esun pa determina cu Ecogas mester cera pasobra el lo a fracasa

    ORANJESTAD – Minister Otmar Oduber no ta esun cu por determina cu Ecological  (awor Ecogas) mester cera pasobra e lo a fracasa.  Asina e compania Ecogas ta bisa, alegando cu e mandatario ta ‘un gañado professional’ debi na tur e ponencianan cu el a bin ta haci ultimo tempo riba e tema aki. Ecogas y ,  contrario na ponencia di Otmar Oduber, Ecogas a duna bon resultado segun e compania y te ainda ta funciona hopi bon. A refresca memoria di e mandatario cu contrario na loke Oduber ta sigui bisa, Ecogas a wordo funda 13 aña pasa cu nomber di Ecological Technologies Freezone N. V. (Ecological) hopi prome cu a pensa pa produci gas.  E tempo ey e tipping fee na Parkietenbos lo a subí di F.60 pa F.160 pa ton pa cubri e costo real pero Gobierno e tempo ey a dicidi di subsidia e diferencia toch, lagando e tipping fee na Parkietenbos na 60 florin. Ningún cliente di Ecotech tabata dispuesto pa paga más  y e planta a start 9 aña pasa cobrando 60 florin y sacando recyclables manera cartón, papel, aluminum, hero etc. y sobrá tabata hiba Parkietenbos.  Ya caba e tempo ey Ecological a negocia cu Argos pa manda e sobrá di desperdicio (RDF) pa nan planta di cement pa wordo uza como fuel na luga di carbón. Económicamente esaki no tabata posibel cu un tipping fee di 60 florin y e projecto pa exporta a keda pendiente. No tabata tin ningun plan pa produci gas e tempo ey tampoco.

  • Rotaract Club of Aruba a colabora cu diferente scol di Aruba cu The Graduation Project

    Rotaract Club of Aruba a colabora cu diferente scol di Aruba cu The Graduation Project

    ORANJESTAD - E aña escolar aki ‘The Graduation Project’ lo ta celebrando su di 5 edicion. Esaki ta un proyecto unda miembro y boluntarionan di Rotaract Club of Aruba ta organisa diferente sesionnan durante aña escolar pa examenkandidaten. Meta di e proyecto aki ta pa stimula, motiva y sostene e studiantenan door di duna nan tips valioso. Abraham de Veer, St. Augustinus College, Maria college MAVO, Colegio Arubano, Ceque College y Avond MAVO, ta e scolnan cu miembronan di Rotaract Club of Aruba lo ta bishitando pa duna diferente workshops durante e aña escolar. 

  • bigger better crystal- oct
  • Powered by SETAR