Cherley van der Linden den top 10 di ciclismo di ruta Panamericano na Mexico

Posted on 7/13/2014, 10:37 PM AST | Updated on 7/13/2014, 10:39 PM AST

MEXICO - Diadomingo e grato noticia a drenta cu Cherley van der Linden, representando Aruba na e campeonato Panamericano juvenil di ciclismo di ruta na Mexico, a termina den e top 10 pa ser exacto puesto number nuebe. Cherley hunto cu un peloton di 12 dama a aserca e linea final den un sprint. Faltando no mas cu 50 meter pa final, un dama di Mexico a sali di e grupo y a inicia un sprint pa conquista e promer puesto. E grupo aki tabata consisti di ciclistanan di e paisnan grandi manera Mexico, Argentina, Paraguay y Colombia. Cherley tambe a forma parti di e grupo aki y a a sa di duna un bon bataya pa termina fuerte cu e grupo aki na di nuebe lugar. Esaki ta promer biaha den historia di ciclismo di Aruba cu un dama hubenil, ta participa na dicho evento y mas aun ta termina su careda cu gran exito. Diasabra mainta a tuma lugar e careda contra oloshi, Time Trial. Pa falta di un problema tecnico na e tire di au bicicleta, Cherley no a logra e posicion pa cual e la aspira. Asina mes cu gran determinacion, Cherley a sa di destaca den su deporte. Di parti Cherley su equipo di ciclismo local, tur team-mate, y mayornan ta sali un palabra di felicitacion pa Cherley pa e logro aki hunto cu coach nacional di ciclismo.