Laboratorio di Servicio a celebra su acreditacion di RVA

(ADVERTORIAL)

ORANJESTAD-OCTOBER 2019: Diahuebs, 19 di September ultimo pa exactamente 9’or di mainta, Laboratorio di Servicio su Managing Director, Robert Wever, a ricibi un yamada cu nan a logra nan accreditacion. Esaki ta un mijlpaal cu a wordo logra den e historia di Aruba, como cu Laboratorio di Servicio ta e prome instancia medico cu a wordo acredita door di Nederlandse Raad voor Accreditatie (RvA) pa ISO 15189:2012

En conexion cu esaki, Laboratorio di Servicio a tene un reception ariba Diahuebs, 3 di October pa celebra e gran logro aki entre coleganan, famia y amistadnan di Laboratorio di Servicio. Mediante e acreditacion, RvA ta confirma cu e nivel di e diagnostico di Laboratorio di Servicio ta di e mesun nivel cu laboratorionan acredita na Hulanda. RvA pa ley ta e unico instancia na Hulanda cu mag acredita laboratorionan medico y ta reconoci mundialmente como un lider den calidad.

Esaki tabata un atardi yena cu conversacionan y bon deseonan pa henter e team cu hunto a logra esaki. Masha pabien na full e team di Laboratorio di Servicio.