Kidright a concede premio di paz pa mucha na Greta Thunberg y Divina Maloum

DEN HAAG – E organisacion di derecho di mucha Kidsrights a concede e premio di paz pa mucha, na e activista di clima Greta Thunberg y na e activista di paz Divina Maloum. E premio ta bay tur aña na un mucha cu riba un forma exepcional a traha pa derecho di mucha. Ta di 15 biaha cu e premio aki ta keda concedi. Maloum (15) ta di Kameroen y ta trahando 4 aña caba riba e tereno menciona. E la lanta Children for Peace cu ta consisti di 100 mucha. E pais ta un blanco pa atake terorista for di 2014. Maloum ta organisa campo di paz pa evita cu mucha ta keda recluta pa gruponan arma di Kameroen. Thunberg (16), ta fundador di e welga internacional di clima door di mucha y adulto. E ta gana e premio pasobra segun Kidsright, el a mobilisa mas di 1.4 miyon mucha di tur skina di mundo pa bringa pa e clima y nos planeta. 

Ta otorga e premio riba 20 di November, riba dia internacional di derecho di mucha. E ganadornan a keda selecciona for di un grupo di 137 candidato den 56 pais.