Riu Palace Antillas a ofrece lunch na fundacionnan di bestia

Posted on 10/3/2019 5:25 pm AST | Updated on 10/3/2019 5:25 pm AST

ORANJESTAD - Riu Palace Antillas ta sigui traha duna bek na comunidad di Aruba y, na e ocasion aki, nan staff a haci esaki un biaha mas door di haci un donacion na e fundacionnan di bestia. E fundacionnan a bini hunto den e “Mash spay and neuter campaign”, yudando mas di 400 cacho y pushi.

Cada fundacion a bin cu cachonan y pushinan cu nan a rescata pa opera nan, haci un checkeo, baña nan, duna nan di come y bebe. Desde mainta trempan nan a cuminsa y pa esaki Riu Palace Antillas a dicidi di haci un donacion special di lunch p’e empleadonan y ayudantenan.

E fundacionnan y su miembronan a gradici Riu Palace Antillas p’e donacion aki, pero tambe di tur sosten cu e hotel a duna nan. Riu Palace Antillas ta contento y orguyoso di por sostene e fundacionnan

  • Powered by SETAR