Botica di Servicio y FTA a firma nan prome CAO pa 4 aña

ORANJESTAD – Diahuebs mainta Sindicato FTA a firma un CAO di duracion di 4 aña cu Botica di Servicio. Esaki ta prome biaha cu e compania aki ta firma un CAO. Segun e presidente di e sindicato Hubert Dirksz, e ta un CAO hopi bon cu awor e trahadonan aki tin un CAO, completo cu su beneficionan. Interesante ta cu den e CAO aki e trhadaonan a haya un aumento riba varios punto, manera condicionan secundario y tambe den nan salario. A dura un poco pa e negosacionan, pero partido a logra haya otro riba e puntonan menciona. Entre e beneficionan, tin pa salario, gratificacion pa aña di servicio, bonus di pasco, areglo fiscal, seguro pa bril y tratamento pa dentadura. E director di Botica di Servicio Lennert van der Poel tambe tabata contento cu e logro.