Eleccion parlamentario na St Maarten awor na februari 2020

Eleccion parlamentario na St Maarten awor na februari 2020

Posted on 10/3/2019 4:07 pm AST | Updated on 10/3/2019 4:09 pm AST

HARBOUR VIEW- Eleccion parlamentario na St Maarten ta tuma lugar awor dia 9 di januari 2020. Asina Gobernador di e isla Eugene  Holiday a informa diahuebs. Lo desolve Parlamento dia 10 di februari 2020 , cu ta un otro decreto cu a drenta na vigor mesora. Den un comunicado , e Gobernador a informa tur esaki unda cu el a yama tambe pa tuma paso mesora pa introduci reforma electoral. El a bisa cu dia 3 di October 2019 el a ricibi un concepto di un decreto nacional di conseho di minsiter regulando e amienda di e decreto di 23 di September 2019, pa desolve parlamento y yama eleccion nobo.   

  • Statia a conoce su prome matrimonio di mesun sexo

    Statia a conoce su prome matrimonio di mesun sexo

    ORANJESTAD, ST. EUSTATIUS – St Eustatius a conoce su prome matrimonio di mesun sexo e fin di siman cu a pasa. E isla ta bira uno mas di e teritorio unda cu esaki ta posibel.  Walter Hellebrand director di monument di e isla y biba y creci ey, a casa cu su partner Chris Russell, un escitor freelander. Tabata foi 2010 cu a permiti esaki. Bonaire y Saba ta permiti esaki caba. E isla sinembargo ta e unico di e islanan ex Antiyas cu no tin un organisacion LGBT+.   Cortesia BES Reporter. 

  • RST a detene Robbie Dos Santos na St Maarten

    RST a detene Robbie Dos Santos na St Maarten

    PHILLIPSBURG – Recherche Samenwerkings Team RST a detene e conocido comerciante Robbie dos Santos na St Maarten, relaciona cu e caso di morto di politico Helmin Wiels. Asina vocero di ministerio publico Guillano Schoop a confirma dialuna mainta. Dos Santos tabata sospechoso caba den e caso, y lo ta esun cu a duna orden na su ruman, ex minister George Jamaalodin, pero no tabatin suficiente prueba pa detene.  Potret cortesia Extra. 

  • Politico di St Maarten Heiliger absolvi di cargo di soborno

    Politico di St Maarten Heiliger absolvi di cargo di soborno

    PHILIPSBURG – Corte den prome instancia na St Maarten Diahuebs a a absolve e politico Theo Heiliger y su co sospechoso L.  di sobordo di e miembro di parlamento Laville entre 2012 y 2013. Corte no a haya proba cu Heiliger y S a ofrece of a paga pa asiento pa asina logra benta gabinete Wescot-Williams II abou. Pa e denuncia di Laville tin mucho poco material di prueba.  Loke si ta proba ta cu Heiliger den negosacion pa formacion di un gobierno nobo, a ofrece Laville excuse y a ofrece e posicion di minister di TEATT. Pero ofrece un persona un posicion di minister, segun Corte ta forma parti di e proceso legal y como tal no por papia di soborno. Lesa e sentencia AKI. 

  • Conocido polis y periodista/presentador Rudy Benita a bay sosega

    Conocido polis y periodista/presentador Rudy Benita a bay sosega

    KRALENDIJK – Conocido ex polis y periodista Rudwick ‘Rudy’ Benita a bai sosegá den brasa di Señor dialuna. Benita no ta un desconocí na Aruba y Boneiro. Pa hopi aña e tabata traha como periodista/presentador di noticia y deporte na Telearuba. E tabata polis tambe. Despues el a muda pa Bonaire unda cu te na ultimo, e tabata presenta programa na e canal di Bonaire Energiavision.   Awe dialuna 4 di november den ora di mainta, informacion a drenta cu Rudy Benita a fayece. Esaki sigur a sorprende hopi hende. Por compronde kcu e tabatin algun siman na Colombia pa tratamento medico avansa, y pa un of otro motibo el a fayece. Forsa na su casa, yiunan y famia completo cu e perdida di Rudy Benita. Noticiacla.com ta manda forza na famianan di Rudy.

  • Cft kier mas progreso den casonan pendiente na St Maarten

    Cft kier mas progreso den casonan pendiente na St Maarten

    PHILIPSBURG – Colegio di supervision financiero (Cft) ta bolbe reitera cu Sint Maarten mester progresa mas den un serie di cuestion pendiente, manera e reformanan di pensioen, reduccion di e gastonan di cuido y reforma di servicio di impuesto. A pesar di e situacion politico actual, Colegio ta sigui insisti cerca Sint Maarten pa haci tur lo posibel pa tuma e stapnan necesario y pa cuminsa e aña presupuestario 2020 cu un presupuesto aproba.

  • Detencion di ex minister di St Maarten prolonga cu 8 dia mas

    Detencion di ex minister di St Maarten prolonga cu 8 dia mas

    PHILIPSBURG – A prolonga detencion di Ex Minister di St Maarten Christopher Emmanuel y su ‘ex chief of staff’ diahuebs cu 8 dia mas. Ambos a keda deteni diamars ultimo riba sospecho di abuso di poder y falsificacion of complicidad den e actonan ey durante nan periodo den funcion. Mas specifico, nan tabata otorga tereno di gobierno den forma ilegal na conocirnan na fin di 2017. Como consecuencia, otro aplicantenan pa tereno a keda perhudica. 

  • Powered by SETAR