OM:  Investigacion den posibel hecho castigabel den otorgamento di tereno di gobierno

OM: Investigacion den posibel hecho castigabel den otorgamento di tereno di gobierno

Posted on 10/2/2019 4:29 pm AST | Updated on 10/2/2019 4:30 pm AST

ORANJESTAD – Manera cu noticiacla.com a raporta caba, awe Landsrecherche conhuntamente cu huez-comisario y den cooperacion cu Cuerpo Policial di Aruba, a tene entrada hudicial na diferente lugar. Mientras cu den e comunicado di ministerio publico diaranson atardi nan no ta haci mencion di e identidad di e sospechosonan, noticiacla.com a confirma cu entre nan tin ex minister di gabinete Mike Eman I y II (Benny Sevinger), un coordinador di e gabinete ey (G. Werleman) y un comerciante liga na e partido (L. Arends). 

INVESTIGACION

Segun OM, e huiszoekingnan aki a tuma lugar den cuadro di un investigacion penal di Landsrecherche na posible delitonan di corupcion y otro hechonan castigable posiblemente cometi relaciona cu otorgamento di terenonan di gobierno.  Mas concretamente: e investigacion ta dirigi riba e pregunta si un of mas compania a obtene a base robez (un opcion riba) derechonan di erfpacht di terenonan di Pais Aruba den e añanan 2009 te 2017. Ademas ta investiga e rol di un minister anterior (Sevinger: red) den esaki. 

SOSTEN DI CORSOU

Cu sosten di Landsrecherche Curasoleño a tene tambe un huiszoeking na Curaçao den cuadro di e investigacion. Den e huiszoekingnan documentonan y computadornan a wordo tuma den beslag.  Pa awor no a haci ningun detencion.  Den e simannan venidero e team di investigacion lo entre otro, analisa e contenido di e administracion y e computernan, y sigui pa scucha sospechosonan y testigonan. E investigacion ta ainda den un fase inicial. 

DETENCION

Ministerio Publico no kier ni por bisa na e momento aki ainda si despues lo tin detencion di un of mas sospechoso.  Esey ta depende entre otro di e resultadonan di e investigacion. Ministerio Publico lo no duna mas informacion tocante e identidad di e sospechosonan y/of di e sospechonan specifico cu ta existi contra nan.  

 

 

  • Multanan di Toque de Queda pa Aruba ta mas halto cu Corsou

    Multanan di Toque de Queda pa Aruba ta mas halto cu Corsou

    ORANJESTAD – E multanan cu Aruba ta duna relaciona cu Toque de Queda y Shelter in Place, ta mucho mas halto cu esun na Corsou. Diabierna ministerio publico di Aruba a publica e lista di multanan,  pa unda cu por mira e diferencia claramente. Pa ilustra algun, na Aruba, violacion di toque de queda ta entre 1000/1250 florin pa persona. Na Corsou esaki ta 750 florin. Esun mas interesante ta e negoshi cu mester ta cera y wordo haya habri. Na Aruba e multa pa un negoshi cu tin entre 6 pa 25 trahado, e multa ta 3000 florin y pa mas di 25 hende,  5000 florin. Na Corsou entre 6-25 trahado ta 1000 florin y mas cu 25 ta 2000 florin. Wak e lista di Aruba AKI, y esun di Corsou AKI. 

  • Tur caso den corte riba diahuebs cancela te fin di april 2020

    Tur caso den corte riba diahuebs cancela te fin di april 2020

    ORANJESTAD - Corte den Prome Instancia a dicidi cu ta cancela tur caso penal y caso di trafico di diahuebs 2 di april, 9 di april, 16 di april, 23 di april y 30 di april 2020. E decision aki a keda tuma den cuadro di e afan pa frena COVID-19 plama na Aruba.  Ministerio Publico a cancela tur citación y oproeping pa e casonan aki. Una vez e crisis di COVID-19 ta tras di lomba, e sospechosonan y victimanan lo wordo informa tocante con ta sigui cu nan caso.

  • Ministerio Publico lo actua strictamente durante crisis di corona

    Ministerio Publico lo actua strictamente durante crisis di corona

    ORANJESTAD - Ministerio Publico lo actua strictamente durante crisis di corona. Asina vocero di ministerio publico Ann Angela ta raporta den un comunicado dialuna. Segun Angela, Aruba ta pasando den temponan duro actualmente. Gobierno di Aruba a tuma tur tipo di medida pa stroba e virus di COVID-19 di plama mas tanto posible y pa limita e consecuencianan di esaki.  Ta trata di medidanan pisa, manera Toque de Queda y Shelter in Place, cu ta hopi impactante riba bida di nos ciudadanonan, pero cu ta necesario pa proteccion di salud di tur hende.

  • OM: Esnan deteni durante toque de queda lo bay dilanti huez pronto

    OM: Esnan deteni durante toque de queda lo bay dilanti huez pronto

    ORANJESTAD – E cantidad di 160 persona cu te ainda a keda deteni y multa durante e dianan di toque de queda, lo keda trata dilanti huez. Esaki fiscal mayor Hans Klaver a bisa durante e briefing riba coronavirus. E intencion ta pa usa video conferencing pa haci esaki mas sigur, enbista di e crisis di coronavirus. E intencion ta pa atende esaki basta lihe. Potret cortesia Aruba Press Pool. 

  • Pronk: Polis a detene hopi hoben menor di edad durante toque de queda

    Pronk: Polis a detene hopi hoben menor di edad durante toque de queda

    ORANJESTAD – Entre e grupo di 41 detenido durante e toque de queda di diadomingo pa dialuna, tabatin un grupo di hoben menor di edad cu tambe a haya multa. Asina fiscal Yolanda Pronk a splica durante un conferencia di prensa dialuna anochi. Loke a splica tambe ta cu, si en caso polis haya un auto riba caminda cu un grupo di hende, hasta un famia, cada persona den e auto riba 12 aña ta haya un multa. Ley ta duna polis e autoridad aki. 

  • Segun OM, decision pa laga Mericano pedofiel den libertad ta conforme regla

    Segun OM, decision pa laga Mericano pedofiel den libertad ta conforme regla

    ORANJESTAD - Ministerio Publico a ripara cu prensa tin preguntanan tocante un decision recien den caso di un sospechoso Mericano di un caso di zeden (pedofiel), cu tabata na Aruba como turista. Asina e vocero di ministerio publico Ann Angela ta bisa den un comunicado. E caso ta uno unda cu polis a detene un turista Mericano pa a haci actonan di pedofiel cu un mucha muher chikito na Aruba. A detene e persona y awor riba orden di Ministerio Publico, a lague den libertad. Algo cu a causa rabia den comunidad. 

  • Powered by SETAR