DVG: Dia 1 di october ta Dia Internacional di nos Hende Grandinan

ORANJESTAD - Nos grandinan semper a hunga un rol hopi importante, como e lidernan di nos sociedad y e conservadornan di nos tradicionnan. Mester menciona cu nan ta un grupo vulnerabel, unda hopi di nan ta bayendo den pobresa y cu limitiacion. Aunke cu e cuido di salubridad ta mehorando, e populacion di nos hende grandi ta sigui crece y nan necesidadnan tambe ta bira mas. 

E Dia Internacional di Hende Grandi ta un oportunidad pa ilumina e contribucionnan importante cu nos grandinan a haci den nos comunidad y crea conscientisacion di e oportunidadnan y e retonan den e populacion, cu ta embehece den e mundo di awendia.

Nos di Seccion Cuido di Nos Grandinan kier a conscientisa y empodera nos grandinan den tur dimension di desaroyo, incluyendo promocion di nan participacion activo den nos sociedad, economia y bida politico. Esakinan ta un manera pa sigura nan inclusion y reduci desigualdad.

E tema di e aña 2019 su conmemoracion ta “ETrayecto pa Igualdad di Edad” (“The Journey to Age Equality”).

E tema di 2019 ta alinea cu e “Sustainable Developmental Goal 10” y ta enfoca riba e caminda di maneha cu existencia y preveni desigualdad den edad halto. https://www.un.org/en/events/olderpersonsday/

E tema su obhetivo ta:

·            Gara atencion na e existencia di edad grandi y e desigualdad.

·            Crea conscientisacion na e urgencia di maneha e existencia y preveni den futuro desigualdad di nos grandinan.

·            Explora e cambionan social y structural den bista di e manehonan di e transcursonan di bida.

·            Reflexiina riba e miho practicanan, educa pa progreso riba e trayecto pa termina desigualdad den edad di nos grandinan y cambia e narativo negativo cu tin rond embehecemento.