Manifestacion Ta Basta a termina sin por a entrega manifiesto

ORANJESTAD – E manifestacion di comision  TA BASTA  a yega fin di su ora di permiso, sin cu presidente di parlamento di Aruba Marisol Lopez a baha pa ricibi e manifiesto. Esey a pone cu e lider di e comision, Miriam Rosell Koolman a pidi tur esnan presente na final (un 150 persona) pa bin parlamento bek diahuebs mainta 9'or ora cu parlamento trata e presupuesto 2014 adapta. E permiso tabata te 8'or cu a pone cu mester a termina esaki riba orden di polis.  Prome cu esey, manifestantenan diaranson atardi a marcha bay  dilanti porta di edificio di Parlamento, en espera di e presidente di parlamento Marisol Lopez Tromp. E situacion pa 6:30pm tabata cu ainda e presidente di parlamento no a atende e grupo pa cual, siendo cu segun palabracion ( di e manifestantenan), e presidente lo mester a baha bin busca e manifiesto pa 6’or di atardi. Segun cifranan inoficial di polis, ta papia di entre 500 pa 800 hende cu tabata  presente na Parlamento na inicio di e manifestacion.  Foto cortesia Manolo Giel.