Herido durante pelea na veld di Flatstone

ORANJESTAD - Polis y ambulance cu urgencia a keda manda diadomingo anochi laat pa veld di Flatstone na Piedra Plat, pa un pelea cu persona herida. Na e sitio e oficialnan ta compronde cu a start un problema entre algun homber cu un otro grupo y esaki a termina cu tiramento di boter. Un dama a keda agredi cu boter den cabes. E victima herida tabata purba resisti cu oficial, pero nan a sa di domin’e pa e haya atencion medico for di e personalnan di ambulance presente.