Reunion di Parlamento riba Serlimar a keda posponi

ORANJESTAD - E reunion di Parlamento cu mester a pasa ley pa por sigura cierto cobransanan pa Serlimar Sui Generis, a keda posponi pa diaranson awor 2 di october 2019.  Motibo oficial no ta conoci. Mientrastanto trahadonan di MetaCorp a bin protesta for di 8’or dialuna mainta, y a bisa cu si e reunion ta diaranson awor, nan lo ta bek pa diaranson. A compronde inoficialmente cu trahadonan di Serlimar tambe lo por ta presente. Pero e portal aki no por a confirma esaki ainda.