Oradornan Frans Ponson y Carl Gould a captiva e publico durante evento di KVK

ORANJESTAD – Dos orador (uno local y internacional) a cautiva e audiencia di e evento anual di Camara di Comercio diabierna ultimo den Hilton Ballroom. Ta trata di e comerciante local, Frans Ponson, y esun internacional Carl Gould, cu a duna nan bista riba con pa mehora negoshi na Aruba. Ambos a presenta e bistanan unico riba e mundo comercial actual. Ponson su mensahe principal tabata cu esun cu no innova, no ta bay dilanti. “A company without innovation is like a pen without ink” tabata e lema cu Ponson a uza como base di su presentacion. El a uza e oportunidad pa repasa exito di su negoshi, Super Do it Center y Do it center. Carl Gould a mustra cu e palabra mas poderoso cu tin, ta e palabra ‘YES’ (si), y cu tur cos ta draai rond di esaki. Su meta tabata basa pa uza 7 paso pa bo negoshi prospera den un ambiente, cu ta cambia constantemente. Ambos a contesta pregunta na final, pa despues e sala yen, pasa pa un parti di networking y fiesta bailabel cu ‘NFuzion.