Atleta Colombiano na Aruba pa evento di Crossfit a accidenta

ORANJESTAD – E biahe deportivo pa Aruba di dos atleta Colombiano di Cross Fit a bira un tragedia, despues cu nan a keda envolvi den un accidente di trafico serio e siman aki, cu a laga un di nan gravemente hospitalisa na Aruba y cu problema di placa. E portal Colombiano El Pais ta raporta e situacion. Ta trata di e atletanan Santiago Tobón y Andrés Hernández. Hernández ta esun cu ta grave den hospital akin a Aruba. E chauffeur di e auto lo a perde control den un bocht, cu a pone cu Hernández a keda expulsa di e auto, pa despues e auto bin cay riba dje. Su amigo, a sali ileso, pero Hernández ta den cuido intensivo.  E tin un trauma, rebchi kibra, un morragia interno y otro simptoma” su amigo a bisa. E problema ta cu e seguro di biahe no ta cubri e operacion urgentemente necesario, pero solamente e estadia cu ta 1800 dollar pa dia. Pa biaha bek pa Cali, Colombia, esaki tin un costo di 30 mil dollar.  Ta haciendo esfuerso aworaki pa logra cubri esaki aunke no ta sigur cu lo logra esaki. E evento cu e tabata pa participa aden, ta Fitvit.