Studiantenan a scohe Fundacion Zinnia pa nan proyecto

Studiantenan a scohe Fundacion Zinnia pa nan proyecto

Posted on 09/28/2019 1:33 pm AST | Updated on 09/28/2019 1:36 pm AST

ORANJESTAD - Tres studiante di EPI; Chefairah Wongsokario, Shanqueeta Engeldal y Andre Edwards di klas 4DS sector Economia a scoge Fundacion Zinnia pa haci nan proyecto di ‘afstudeerproject’, unda cu nan lo bay organisa un evento pa recauda fondo pa Fundacion Zinnia. Meta di e proyecto di e studiantenan ta, pa trece e comunidad di Aruba hunto den un actividad recreativo como den grupo di famia, colega of amistad, pa demostra cu no mester tin alcohol ni ta bou di influencia di alcohol pa pasa un momento dushi y placentero. E proyecto ta den ful preparacion y ta priminti di bira uno exitoso. Cuminsa forma bo grupo di 4-6 persona y mas cu claro cu mucha tambe por join, p’asina boso tambe engrandece e proyecto aki y contribui cu Fundacion Zinnia. Fundacion Zinnia ta traha incansablemente riba conscientisacion di core auto bou di influencia di alcohol y su consecuencianan. Mas detaye lo sigui den e proximo dianan. Keda pendiente.

  • Powered by SETAR