Dialuna ta muda e borchi di I Love Aruba pa waf

ORANJESTAD - Dialuna awor ta muda e borchi di I LOVE ARUBA dilanti Bestuurskantoor. Minister di infrastructura Otmar Oduber a confirma esaki diasabra. “Tin un acuerdo on good terms cu e propietarionan pa muda esaki dialuna pa Welcome Plaza“ Oduber a bisa noticiacla.com. Motibo pa e mudanza, ta pa motobo cu Bestuurskantoor a keda renoba como monumento y segun monumenten verodening, no por obstrui e bista pa e monumento. E mandatario a sigui bisa cu a inverti un poco mas di 7 miyon den renova y restaura bestuurskantoor, paso tawata den un situacion di decadencia y ‘ letterlijk cayendo den otro’ .”Awo cu a termina e prome 3 fase nan di e edificio, otro siman lo habri esakinan y pesey a conversa y a yega na un acuerdo mutuo cu e borchi di I Love Aruba lo bai na e Welcome Plaza, na salida di barco nan crucero”. E propietarionan di e borchi mientrastanto a opta pa no duna comentario riba e tema.