Rey Willem Alexander a atende reunion organisa pa Aruba y Hulanda

NEW YORK – Rey Willem Alexander a atende un reunion na New York diahuebs merdia, organisa pa Aruba y Hulanda, cu tabata atendi pa miembronan di varios isla chikito. Cu esaki, e kier a duna contenido na su discurso mas tempran e siman aki, di Nacionan Uni, unda cu el a bisa cu paisnan grandi mester scucha miho di e islanan chikito.  

“Cada persona ta conta. Cada estado miembro ta conta. Pesey e voz di e islanan chikito mester zona mas fuerte den relacion di nacionan Uni. Te ainda nan ta wordo scucha mucho poco” e Rey a bisa diamars den e discurso. Esaki el a bisa ora cu el a enforza cu e ta papiando na nomber di un Reino Hulandes cu tin 4 pais, di cual 3 ta islanan chikito. “Nos conoce di experiencia propio, tanto e pasada tropical como e biento friew di laman norte”e Rey a sigui bisa. Durante e reunion di diahuebs den e residencia di e representante di Hulanda pa Nacionan Uni, tabata sinta banda di e Rey, Prome minister di Aruba Evelyn Wever Croes. Tanto e premier di Corsou como di St Maarten no tabata presente pa motibonan diferente. Pa loke ta esun di St Maarten, esaki a haya un voto di desconfiansa di e parlamento di St Maarten. Tambe tabatin miembronan di Dominica, Barbados y St Lucia.