McDonald’s Aruba ta celebra e dia Internacional di 'Open Doors Day' diasabra

(ADVERTORIAL)

ORANJESTAD  – Dia 27 di september, McDonald's ta demostra su compromiso di ta transparente cu e dia intenacional di “Open Doors’. Nan lo celebra esaki cu un celebracion special di e programa, cu ta permiti e clientenan bishita e cushina di McDonald’s henter aña, pa wak con ta prepara tur cuminda segun standard y procedura di calidad.

A crea McDonald’s su ‘Open Doors Tour’ na aña 2014 y te ainda mas cu 8 miyon hende den Latino America y Caribe a participa den esaki. Recientemente compania di consultancy Trendsity a haci un investigacion bou di e consumidornan den region y a sali na cla cu 94% di e consumidornan ta asocia di ta habri cu transparencia di marca, y cu 91% di e consumidornan ta preocupa pa e proceso di preparacion di nan cuminda den e restaurantnan cu nan ta frecuenta. E puntonan clave di preocupacion ta inclui proceso di limpiesa, higiena di personal y calidad di e ingredientenan.

Banda di esey, 86% di e consumidornan a declara cu nan ta confia loke nan mes por mira. Esaki ta e motibo cu e consumidornan su confiansa den e restaurantnan cu ta brinda servicio liher, ta subi cu 13% despues di a participa na un ‘Open Doors Tour’. 9 di 10 consumidor ta pensa cu otro restaurant tambe mester cuminsa ofrece un recorido den nan cushina manera; McDonald’s. Cualkier cliente por solicita pa un ‘Open Doors Tour’ na e McDonald’s di su preferencia durante aña.

Diasabra awor lo ta un oportunidad pa tur famia por siña e custumbernan saludabel. McDonald's Aruba ta celebra su compromiso cu famia door di organisa un atardi nutritivo en conexion cu e “Open Doors Day” dia 28 di september awor. McDonald’s lo duna mas informacion y lo tin e actividadnan pa informa e famianan tocante e balans nutricional y e estilo di bida saludabel pa nos muchanan.