Minister Maduro: CAFT ta anticipa mucho liher riba un aanwijzing

ORANJESTAD - CAFT ta anticipa mucho liher riba un aanwijzing. Asina minister Xiomara Maduro a reacciona na Noticiacla.com diaranson. E mandatario no kier a bisa mucho e momento ey, relaciona cu e dos cartanan di CAFt cu ta den discusion. Uno pa RMR, cual premier Wever a referi na dje, y uno cu a bay pa Parlamento, cual carta a bira publico y cual carta ta den discusion. Segun varios medio, prome minister no ta papia e berdad, mientras cu Maduro ta mustra cu Wever ta reacciona riba un carta, mientras cu prensa ta usa e otro carta. “ Mi ta trahando riba un contesta pa CAFT. En corto, mi ta haya cu CAFT ta anticipa mucho liher riba un aanwijzing siendo cu e Ley di CAFT ta mustra duidelijk ki ora por of mester manda un peticion asina. Y na e momentonan aki no tin motibo pa haci tal” Maduro a bisa. Awe mainta sinembargo, MAduro a dididi cu e ta duna un conferencia di prensa riba e tema. Keda pendiente.