Concierto di Marco Antonio Solis ta bay Harbour Arena

Concierto di Marco Antonio Solis ta bay Harbour Arena

Posted on 09/25/2019 4:58 pm AST | Updated on 09/25/2019 4:59 pm AST

(ADVERTORIAL)

ORANJESTAD - E ta oficial! Cu hopi placer e promotornan di e concierto di Marco Antonio Solis, cu lo tuma lugar dia 10 di november proximo, ta anuncia cu Marco Antonio Solis ta bay Harbour Arena. 

Despues cu na inicio a anuncia cu e concierto lo tuma lugar den Entertainment Center, e promotornan awe a dicidi cu mester haci un cambio, danki na e gran acogida ricibi for di comunidad. E concierto ta resultando di ta uno sumamente grandi, na unda cu tur cos ta indica cu Entertainment Center lo keda chikito pa e cantidad di persona y e fanaticonan, cu ta cumprando nan entrada pa mira e artista den concierto.

Ta trata aki di un decision cu tanto promotor, pero tambe manager di Marco Antonio Solis a tuma y aproba, mirando cu tur cos ta mustra cu ta solamente mas grandi e concierto aki lo bira y un y tur cu a cumpra nan entrada, mester por gosa debidamente di e concierto.

E promotornan kier pone enfasis, cu logisticamente nada lo cambia den e venue. Tur persona cu ya caba a cumpra nan entradanan general of esunnan cu ya caba a mira e mapa VIP y a scoge nan asiento, por ta trankil cu tur cos lo keda mesun cos y na mesun lugar. Simplemente e venue anterior ta mustrando di no lo por acapara e magnitud di hende cumprando nan entradanan pa e concierto aki.

Na e momentonan aki por bisa cu Aruba ta surpasando tur expectativa cu tin pa e concierto y ta haciendo esaki uno grandi. 

E concierto cu Aruba lo presencia dia 10 di november ta uno sin igual, mirando cu ta pa prome biaha Marco Antonio Solis lo ta riba escenario aki na Aruba. Ya caba nos por mira riba e rednan social parti di su gira yama: El Mas Querido Tour, di cual netamente ta loke Aruba tambe lo presencia awor den Harbour Arena. Pues si abo no a cumpra bo ticketnan ainda pa Marco Antonio Solis, nos ta recomenda bo pa haci esaki mas pronto posibel na e oficina situa na Renaissance Seaport Marketplace, como cu esaki ta garantisa di lo bira e concierto di aña 2019!

 

  • Artista local Edward van der Biezen cu produccion nobo

    Artista local Edward van der Biezen cu produccion nobo

    ORANJESTAD – “ Cu un carera artistico amplio y exitoso ta impresiona farandula un biaha mas cu un version fresco y modernisa e artista   Edward van der Biezen”. Asina e comunicado promocial pa su exitonobo ta bisa.  Cu un toke Urbano / Afro Caribense e produccion mas nobo bou di su encargo. Cancion/Video: TUR DIA

  • Aeropuerto a yuda 70 famia den necesidad debi na crisis di COVID 19

    Aeropuerto a yuda 70 famia den necesidad debi na crisis di COVID 19

    ORANJESTAD – Un proyecto comunitario di ayudo door di Aruba Airport Authority N.V. (AAA) su staff completo, yama “Wings of Hope” (WoH) a lanta buelo dia 1 di Juni, 2020. Un iniciativa cu a cuminsa den AAA su Unidad di Seguridad tabata e base cu a sende e motornan pa un proyecto di escala mas grandi cu awo a wordo adopta pa e compania completo cu e unico meta pa asisti y yuda rond di 70 famia cu door di e crisis actual ta den necesidad. WoH lo keda activo for di 1 di Juni, 2020 pa 31 di December, 2020.  

  • Notariskantoor Helmeyer a habri su porta

    Notariskantoor Helmeyer a habri su porta

    (ADVERTORIAL)

  • Kiwanis Club of Aruba a prepara y parti paketenan di cuminda

    Kiwanis Club of Aruba a prepara y  parti paketenan di cuminda

    ORANJESTAD - Despues di entrega “laptop” na e studiantenan di Colegio San Nicolas, a sigui e siguiente proyecto di Kiwanis Club of Aruba, cu ta prepara y parti paketenan di cuminda. E proyecto ta pa duna sosten y ayudo na e famianan y e comunidad di Aruba, cu ta pasando den momentonan dificil consecuencia di e pandemia COVID-19. Durante e tempo aki di crisis sin precedente cu Aruba y mundo ta enfrentando, e miembronan di Kiwanis Club of Aruba ta trahando duro riba diferente proyecto. E idea tras di Kiwanis Club of Aruba su proyecto di cuminda a surgi door cu e club ta conta cu 45 miembro y cada miembro ta adopta asina un famia. E famia lo ricibi paketenan yena di cuminda. Kiwanis Club of Aruba ta trahando cu diferente instancia pa asina haya e informacion di e personanan cu mester di un ayudo. E proyecto tin un duracion di 3 luna cuminsando e luna aki di mei y asina continua den e lunanan di juni y juli. Tur luna Kiwanis Club of Aruba lo yuda 45 diferente famia. En total lo yuda 135 famia y alrededor di AWG 25,000. 00 na cuminda. 

  • Kiwanis Club of Aruba trahando riba proyectonan durante crisis

    Kiwanis Club of Aruba trahando riba proyectonan durante crisis

    ORANJESTAD - Durante e tempo aki di crisis sin precedente cu Aruba y mundo ta enfrentando, e miembronan di Kiwanis Club of Aruba ta trahando duro riba diferente proyecto. E proximo simannan, e proyectonan aki lo wordo realisa pa asina duna sosten y ayudo na e famianan y e comunidad di Aruba, cu ta pasando den momentonan dificil consecuencia di e pandemia COVID-19. 

  • ‘Kawana’ huntu cu comunidad di Aruba a duna Mama un Regalo!

    ‘Kawana’ huntu cu comunidad di Aruba a duna Mama un Regalo!

    ORANJESTAD - Agrupacion local “Kawana” a lansa nan ultimo senciyo Titula “My Momma”.Un cancion composita i dedica na tur e mamanan.E senciyo aki tambe ta acompania pa un video clip cual a resulta di ta un masha especial ya cu e la wordo hasi door di e fans nan I hendenan den nos comunidad manera frontliners I personahenan publico manera artistanan dj’s etc,, E reacshon tawata uno hopi positivo, espontaneo I melancolico na mes momento.,E team di “Kawana” huntu Sunny ray Aruba,Cheng Media y Sketch Advertising kier gradici tur cu a participa I sostene e proyecto aki .Danki na e esfuerso colectivo a logra yega na un producto final hopi especial y bunita pa nos mamanan. Pa wak e video, click AKI

  • Powered by SETAR