Combersacion telefonico entre Trump y presidente di Ucraina ta conoci

WASHINGTON – Cas Blanco (Merca) a publica e transcripcion di un combersacion telefonico entre presidente Mericano Donald Trump y su colega di Ucraina Zelensky. E combersacion ta confirma e hecho cu Trump ta pidi Zelensky pa inicia un investigacion contra un di su contrincantenan politico mas serio, esta candidato presidencial Joe Biden.  

Trump tabata culpa Biden anteriormente di a eherce presion riba Ucraina, pa retira e fiscal, cu lo tabata supervisa un investigacion di corupcion den e compania di gas den cual yiu di Biden ta den directiva. Zelensky ta reacciona positivo riba e asunto y ta bisa cu proximamente lo tin un fiscal nobo, cu lo ta 100% na fabor di e presidente Ucraino, primintiendo Trump cu e lo investiga e asunto. Un ‘soplon’ siman pasa a revela e sospecho di e metemento di Trump den e caso aki, pero Trump inicialmente a nenga tur cos, pero despues toch a admiti. E democratanan basa riba esaki, a inicia un proceso hudicial politico pa retira e presidente. Lesa e transcripcion AKI.