Aruba Panman Foundation a organisa ‘Steelpan Tuning Workshop’

SAN NICOLAS - Aruba Panman Foundation den cooperacion cu UNOCA a organisa ‘Steelpan Tuning Workshop’ recientemente.

E zonido di Steelpan ta unico, caluroso, sofistica, y ta haci un impacto hopi profundo, p’esey ‘tuning di steelpans’ ta di suma importancia. Dialuna atardi tabatin un workshop di ‘Steelpan Tuning’, pa motibo di e ausencia grandi di tuners na Aruba.

Sr. Edgar Connor (d.f.m.) tabata e ultimo persona cu tabata contene calidad halto den e habilidad di traha steelpan y tune di steelpan (stemmento). Pa e motibo aki Aruba ‘Panman Foundation’, den colaboracion cu UNOCA, a dicidi di trece e proyecto aki pa Scol di Arte na San Nicolas y asina duna nos comunidad e oportunidad pa siña e proceso unico di steelpan tuning (stemmento) cu e intencion pa expande tuners (stemdo) y pa nan bira independiente pa termino largo.

E musiconan, lider di steelbands, e tocadonan di steelpan tabata presente. Por bisa cu e interes tabata grandi y concentra, bo por a ripara esaki tambe na nan interes profundo pa e arte di steelpan tuning (stemmento) como tambe e interes pa expande y improvisa nan conocemento cu e ‘Intonation Specialist /Tuner, Sr. Andy Neils di Trinidad & Tobago, ken ta un tuner pa e bandanan grandi (140-piece band) na Trinidad y e area den Caribe.

Tur participante a keda contento y agradecido na ‘Aruba Panman Foundation’ y UNOCA pa haci algo asina unico aki na Aruba