A haya droga riba militar Hulandes riba bapor di marina na Corsou

WILLEMSTAD –  Na Corsou a haya droga riba e bapor di marina Hulandes Zr. Ms. Johan de Witt. Mas concreto, den e backpack di un militar Hulandes. Asina e portal Hulandes NOS ta raporta diaranson. Segun e portal, no ta conoci ki tipo di droga esaki ta ni cuanto a wordo haya. Pero e cantidad lo ta mucho grandi pa consumo propio. E bapor di transporte amfibio a caba bolbe di Bahamas, unda cu el a brinda ayudo na victimanan di e horcan Dorian. Mientrastanto a detene e militar. Fuente: NOS/  potret Dick Drayer