Ekipo hulandes ta bek na Hulanda

ROTTERDAM - E ekipo hulandes cu a sali na di tres lugar na Brazil, a yega Hulanda diadomingo atardi, cla pa nan proximo reto. Cu centenares di fanatico na Rotterdam pa spera nan, e ekipo a wordo ricibi. Prome cu esey, bomberonan a rindi homenahe na e avion cu a trece nan, cu e waterkannon salute cu tur avion nobo ta ricibi. E entrenador Louis van Gaal a mustra cu esey ta muestra cu nan toch a haci un impacto riba e comunidad hulandes. Despues a transporta e ekipo pa e hotel Huis Ter Duin, unda cu nan a dispidi di otro pa sigui nan caminda. Van Gaal mes ta bandona Hulanda y ta biaha pa Inglaterra pa bira e entrenador di Manchester United. Manera programa, e unico homenahe cu e ekipo lo a haya ta si nan a logra e titulo maximo.