Maduro: Comerciantenan tin escogencia pa pone BBO/BAZV/BAVP riba factura toch

ORANJESTAD – Gobierno (lesa: minister Xiomara Maduro) a dicidi cu comerciantenan entrante 1 di October 2019, tin e escogencia pa pone riba nan factura, con nan a yega na e cifra di BBO/BAZV, osea, cua componente di e prijs final ta bira e BBO/BAZV/ BAVP cumpliendo asina cu e peticion di comerciantenan cu a critica e cambio di ley cu mester kita BBO for di e recibo. Di otro banda, esnan cu no kier pone BBO, no mester haci esaki tampoco. Cu e decision aki, segun gobierno ta tene consideracion general pa bienestar di comunidad di Aruba. Pues awor, comerciantenan por specifica ki componente di e prijs final pa e cliente, ta bira BBO/BAZV riba e recibo. Pa e cliente, esaki no ta haci diferencia pasobra e ta mira e prijs final cu ta riba shelf y ta esey ta e prijs cu e ta paga pa e producto. Cu esaki tambe, ta adapta e ley cu gobierno a pasa  na januari cu comerciantenan mester kita BBO for di recibo. Basa riba critica di comercio, a dicidi di aplaza esaki cu 6 luna pa duna tempo pa ahusta e proceso interno administrativo di comercio. Despues a bolbe duna 3 luna extra pa cu esaki. Lesa e carta AKI.