Oduber na tur partido: If you can't stand the heat..get out of the kitchen!

ORANJESTAD – “E situacion ta keda uno fastioso y tenso”. Esey tabata e prome reaccion di Minister di Salud, Dangui Oduber, na noticiacla.com riba e dos conferencianan di prensa di tanto Stichting Onroerend Goed Aruba (SOGA) y OHL Arellano (e compania constructor pa proyecto di Hospital Horacio Oduber un dia prome, unda cu ambos a desmenti cu nan tabata responsabel pa e problema di awa diabierna marduga. “ Despues di a wak tur declaracion esta di hospital, SOGA y Arrelano mi ta puntra mi mes, kende si ta dispuesto pa asumi y carga nan responsabilidadnan pa e cosnan, cu ta bayendo totalmente robes den e proyecto aki” Oduber a sigui bisa. 

“BLAME GAME”

Segun Oduber, no ta awor e ‘blame game’ (e wega di culpa otro) a cuminsa sino casi for di comienso. “Di e promer reunion cu mi tabata tin cu tur partido e “blame game” aki ta going on!” e mandatario a sigui bisa. “ Semper uno ta culpa e otro y ta p’esey porfin awor tin claridad riba e investigacion forensico cu lo tuma lugar”. “Mi ta spera cu SOGA, Arrellano y Hospital brinda tur e cooperacion necesario p’e investigacion tuma lugar. Di e forma e forma aki tur hende por saca nan conclusion dicon nos tin cu paga 110 miyon florin extra y dicon nos tin cu paga 160.000 florin pa siman, ora tin retraso den e proyecto!” Oduber a sigui bisa. “ Ta ora pa esunnan responsabel asumi nan responsabilidad, ‘and if you can not stand the heat, get out of the kitchen!’ ” tabata e mensahe cu e mandatario a laga atras pa tur partido envolvi.