METEO: Tormenta tropical Karen no ta menasa pa Aruba

ORANJESTAD/ MIAMI – Aunke cu e tormenta tropical Karen (cu a nace diadomingo) ta mustra relativamente cerca di islanan ABC, servicio meteorologico di Aruba ta sigura cu e no ta un menasa pa Aruba. No obstante, e lo sigui vigila e movicionan hopi di cerca. Asina e boletin di 12’or di e departamento, ta mustra. Awe mainta 11’or e centro di tormenta tropical Karen tabata ubica 415 km zuid zuidoost di San Juan, Puerto Rico. E ta moviendo direccion Nortwest cu velocidad di 19 km pa ora. Ta pronostica cu e ta bira den direccion norte pa diamars, aunke cu pronostico exacto semper ta keda dudoso.