Aruba tambe ta afecta pa colapso di operador di tour Thomas Cook

ORANJESTAD – E collapse di e agencia di biahe Britanico gigante Thomas Cook Travel diadomingo, ta afecta Aruba tambe den cierto forma. Asina CEO di Aruba Tourism Authority, Ronella Tjin Asjoe a bisa noticiacla.com dialuna. Un reunion cu nan tabatin programa cu Thomas Cook (Ving) awe, mientrastanto a cancela. “Nos ta poniendo e impacto pa Aruba den cifras awor y ta monitorea e situacion. Mester corda cu hopi di e negoshi lo wordo captura pa otro agencianan entre otro.” TjinAsjoe a sigui bisa. Aruba ta wordo bendi den tres mercado Europeo pa e agencia, esta Scandinavia, Alemania y Hulanda. ”En todo caso nos ta den contacto cu nos oficinanan na Europa y ta sigui monitorea”. 

E COLAPSE

Manera ya anuncia, Thomas Cook a collapse despues cu negosacionan di ultimo ora no a yuda scapa e compania di 178 aña. Departamento di aviacion Civil Britanico (CAA) a bisa cu e tour operator a para operacion mesora. E la cuminsa un operacion di asistencia mesora tambe  dirigi na 150 mil Britanico cu lo ta pega awor cu e situacion di Thomas Cook. Tambe tin 22 mil trabou na peliger aworaki mundialmente, incluyendo 9 mil na Inglatera so. E compania a keda funda p Thomas Cook, na 1841.