Parlamentarionan independiente a forma coalicion nobo na St. Maarten

PHILIPSBURG - National Alliance (NA), United St. Maarten Party (US Party) y e miembronan di parlamento, cu a declara nan mes independiente, esta Dr. Luc Mercelina y Chanel Brownbill na St Maarten, a forma un coalicion nobo di 9 miembro, despues cu un dia prome e gabinete a cay. Asina e corant The Daily Herald ta raporta dialuna. Noticia relaciona cu e asunto, unda e Conseho di Minister a disolve Parlamento, no por a confirma ainda. E formacion di un coalicion nobo a keda anuncia diadomingo anochi laat. E coalicion nobo di 9 miembro, ta laga e coalicion di United Democrats/St. Maarten Christian Party (UD/SMCP) cu 5 asiendo den e Parlamento di 15 asiento. “E  partido NA y US, no por a sinta mas y laga e pais bay den tur e turbulencia causa pa e decision di e ex lider di fraccion di UD, Frank Meyers, pa kita sosten di su propio gobierno esta, UD/SMCP. Como tal un coalicion mas amplio a keda forma cu e representantenan di pueblo, cu di berdad ta pone St. Maarten prome” e declaracion a bisa. Mes momento e presidente di parlamento, di partido UD a entrega su retiro diadomingo anochi, mirando e situacion cu a surgi. 

Fuente The Daily Herald. 

Potret cortesia The Daily Herald.