Tur 7 cacho di unidad di seguridad di KIA ekipa cu bulletproof vest awor

ORAJESTAD – Tur e cachonan di e unidad canino di KIA, esta Justitie K9-Unit, awor ta protehi pa medio di un bullet y knife proof vest. Tabata siman pasa diabierna cu e ultimo vestnan a yega nan destino. Cu esey tur e 7 cachonan di surveillance di KIA por haci nan trabou mas trankil. E vestnan ta un obsequio di e famianan mericano Askew y Panagakos, y provee door di e compania mericano “Vested Insteres in K9’s Inc”. Nan ta provee tur cachonan di polis na Merca cu e vestnan aki. Nan ta special pa cacho traha riba midi, y ta proteha contra hinca di cuchiu, y tambe bala di arma di candela.

Mirando e peso di e vest, (casi tres kilo pa vest), ta necesario pa provee e cachonan aki cu un entrenamento extra pa por custumbra cu e vestnan aki. E trabou cu un vest bisti, door di e cacho, ta algo diferente cu si e no tine bisti. Tambe mester tene cuenta cu e clima di Aruba.