Tjon: Gobierno mester bisa Parlamento pakico no ta ratifica ley di LAFt

Tjon: Gobierno mester bisa Parlamento pakico no ta ratifica ley di LAFt

Posted on 09/19/2019 4:41 pm AST | Updated on 09/19/2019 4:42 pm AST

ORANJESTAD – Si gobierno enberdad a dicidi (manera cu e raportahe di noticiacla.com ta bisa awe) cu a dicidi di no ratifica e ley cu Parlamento a pasa na juni riba cambio di LAFt, nan tin cu informa Parlamento oficialmente pa medio di un carta. Asina lider di fraccion di MEP, Rocco Tjon a bisa e portal aki diahuebs merdia, reaccionando riba e asunto. Gobierno a informa Conseho di Minister di Reino diaranson, di nan decision. Diabierna RMR ta trata e asunto na Hulanda. 

STAATSREGELING

Segun staatsregeling di Aruba, ratificacion (bekrachtiging) di un ley ta responsabilidad di gobierno. “ Si nan scoge pa no ‘bekrachtig’ un ley, por escrito nan mester informa Staten over di nan argumentonan pa haci tal. Dus si e noticia ta berdad, nos lo mester ricibi e carta aki cu e argumentonan pa nos analisa y tuma un decision” Tjon a bisa. Aki e ta referi na un decision riba e argumentonan cu gobierno a presenta pa den e caso aki, no ratifica e ley.  

ADELANTA SITUACION

Tjon no kier a adelanta riba e pasonan cu Parlamento por tuma unabes nan haya confirmacion cu e decision di gobierno. “No laga nos ‘loop vooruit’ riba esey. Ban wak si ta bin un carta kico e posibel argumentonan lo ta” Tjon a bisa. Riba e pregunta cu si Parlamento lo sinta warda e carta of nan lo adelanta e peticion, Tjon a bisa cu nan ta warda e carta. “Gabinete Wever-Croes semper a traha transparente. Dus mi tin tur confiansa cu nan lo manda informa nos por escrito di nan motibo y e argumentonan, si esey ta nan decision”.

E DECISION

Manera cu noticiacla.com a raporta den forma di primicia diahuebs, Gobierno di Aruba a informa RMR, cu nan lo no ratifica e cambio di ley di LAFt, cu Parlamento di Aruba a aproba na juni ultimo. Esaki ta e carta cu gobierno di Aruba a entrega na Conseho di Minister di Reino (RMR) diaranson, segun e fuentenan fededigno a confirma na noticiacla.com. Manera e portal aki a raporta diaranson caba, gobierno di Aruba a entrega un carta ‘nobo’ na gobierno di Reino, conforme palabracion di e ultimo RMR di dia 30 augustus ultimo. Aruba a haya tempo te dia 20 di september pa esaki. Cu e carta nobo aki, Gobierno ta desvia di e decision di Parlamento, cu tur consecuencia cu esaki por tin. 

E CARTA

Cu e carta aki, gobierno di Aruba ta trankilisa gobierno di Reino pa cu e futuro di e supervision financiero, evitando mas problema entre e dos paisnan. Un ratificacion di e ley di banda di gobierno di Aruba, lo a crea problema cu Hulanda, y posiblemente desemboca den sea un Rijkswet pa supervision financiero, of un KB. E contenido di e carta nobo aki sinembargo, ta evita esaki. Hulanda a laga sa for di cuminsamento, di no ta acepta e amienda aproba pa mayoria di Parlamento na juni, y a bisa cu Aruba tin cu cambia esaki. Aruba a pidi tempo y awor a yega e momento di berdad. 

REACCION ANTERIOR DI TJON

Prome cu su reaccion diahuebs pa noticiacla.com, e lider di fraccion di MEP a reacciona den Bon Dia Aruba  di su determinacion di no lo desvia di e cambio di ley (di LAFt). Mientras cu inicialmente e portal aki a raporta cu e decenlace si e y Thijsen keda para riba nan punto, por bira problematico, lo tin cu wak, depende di gobierno. Y manera nos a bisa tambe, y cu Tjon a confirma merdia, ta keda na gobierno con ta ‘convence e dos personan aki (y e otronan di Parlamento cu a vota pro) pa ‘laga cay’ y ‘acepta’ e decision di gobierno di Aruba’. Di otro banda, e portal aki a compronde cu gobierno no tin nada di convence gobierno, pasobra gobierno (mescos cu tabata pleno derecho di Parlamento pa cambia e ley), tambe ta den nan pleno derecho pa no ratifica un ley cu Parlamento a pasa democraticamente. 

  • Oduber: Grupo di Arnold Palmer interesa pa traha golf course na San Nicolas

    Oduber: Grupo di Arnold Palmer interesa pa traha golf course na San Nicolas

    ORANJESTAD – E hendenan di e golfista famoso internacional, Arnold Palmer, ta interesa pa traha un cancha di golf na San Nicolas. Asina Minister di Deporte, Dangui Oduber, a bisa durante un conferencia di prensa diahuebs mainta. Palmer ta un legendario riba tereno di golf y ta conoci pa ta traha e canchanan cu ta hiba su nomber rond di mundo. Oduber no por a bisa nada ‘confirma’ y a djis ‘mencion’e cu gobierno a haya informacion di e grupo aki, di nan interes pa cu esaki. Mientras cu e no ta confirma, Oduber a bisa di lo no haci mas mencion riba dje, pero ta interesante cu e grupo ta interesa pa e area aki. 

  • Wever: Reunion Serlimar cancela pa motibo di tempo y nada mas

    Wever: Reunion Serlimar cancela pa motibo di tempo y nada mas

    ORANJESTAD – E cancelacion ‘abrupto’ diamars anochi di e reunion cu a trata e ley di Serlimar, tabatin su motibo. E forma sinembargo cu el a sosode, a crea suficiente caminda pa speculacion. ‘Ta suspende e reunion te proximo aviso’, tabata e unico loke cu e presidente di Parlamento Ady Thijsen a bisa diamars anochi. Esaki a laga hasta parlamentarionan cu preguntanan grandi. Pero mas informacion despues, a resulta cu tabatin motibonan pa e cancelacion. Prome minister Evelyn Wever a confirma esaki pa e portal aki. 

  • Tratamento di conseho pa aanwijzing den RMR a keda posponi pa otro luna

    Tratamento di conseho pa aanwijzing den RMR a keda posponi pa otro luna

    ORANJESTAD/ DEN HAAG – E tratamento di e conseho di e colegio di supervision financiero CAFT pa duna Aruba un aanwijzing basa riba e sociaal crisis plan, a keda oficialmente posponi te e proximo reunion di conseho di minister di Reino (RMR), esta dia 22 di November proximo. Asina prome minister Evelyn Wever a confirma pa noticiacla.com diamars anochi. Manera a keda raporta anteriormente, Wever a anuncia dialuna caba cu el a haci e peticion pa pospone e reunion, mirando cu un ‘menasa pa un aanwijzing’, den menos cu 3 siman no ta corecto y mester duna mas tempo. Esaki a keda concedi tambe awor. 

  • Reunion di Parlamento pa trata ley di LAFT diaranson tambe posponi

    Reunion di Parlamento pa trata ley di LAFT diaranson tambe posponi

    ORANJESTAD – E reunion di Parlamento poni pa diaranson mainta (mayan) pa trata e decision di Gabinete Wever Croes pa no ratifica e cambio di LAFt, tambe a keda cancel ate proximo aviso. Un nota official cu ta den man di noticiacla.com ta confirma esey. E motibo pa cual a suspende e reunion ey tambe, despues cu a cancela esun di Serlimar diamars anochi, no ta conoci. 

  • Reunion riba Serlimar a keda suspendi te proximo aviso!

    Reunion riba Serlimar a keda suspendi te proximo aviso!

    ORANJESTAD – Den un acto di sorpresa pa hopi, presidente di Parlamento algo despues di 7’or, a dicidi di suspende e reunion tratando e ley di Serlimar, te proximo aviso. Informacion cu noticiacla.com a haya como motibo, ta e horario cu lo a bira laat y cu e publico a cuminsa haci fastioso. Esaki por lo menos, segun e presidente di Parlamento Ady Thijsen. Pero, si esey lo tabata e caso mes, ta bisa cu lo por a suspende e reunion te mayan, of saca e publico pafo. Pues tin duda riba e motibonan duna pa cual e reunion realmente a keda posponi asina abrupto. Algun parlamentario a informa e portal aki cu nan mes a keda sorprendi. Tabata parlamentario Mike de Meza cu tabata e ultimo pa hiba palabra, y despues diripiente, e presidente, Ady Thijsen a informa cu ta schors e reunion ‘tot nader order’. No ta conoci ki dia e reunion ta continua. Mientrastanto ta keda e tension pa cu e continuidad di e companianan di MetaCorp y Serlimar su futuro. E reunion mes a cuminsa algo despues di 9’or y mei di mainta, y a conoce varios schorsing durante curso di dia. Mayoria di nan tabata ,-segun e presidente Thijsen-, pa motibo ‘tecnico’.

  • Oduber den Parlamento: Por reduci subsidio na Serlimar cu 12 miyon aki 5 aña

    Oduber den Parlamento: Por reduci subsidio na Serlimar cu 12 miyon aki 5 aña

    ORANJESTAD – E intencion ta pa 5 aña despues cu Parlamento pasa e ley di Serlimar, cu e compania ta suficientemente solido financieramente. Esey ta nifica e.o. cu gobierno por reduci e subsidio actual di 22 miyon, pa menos cu 10 miyon florin. Asina minister encarga cu Serlimar, Otmar Oduber a bisa e.o, diamars mainta ora cu e reunion aki a continua. E tabata posponi dos siman pasa pa motibo di vacacion di algun mandatario, entre nan e propio Otmar Oduber. 

  • aruba airlines
  • halloween crystal
  • Powered by SETAR