Fantastic Gardens a introduci gerencia nobo

ORANJESTAD - Recientemente, Roy Maduro y Grace Maduro a anuncia na e empleadonan, cu nan ta retira oficialmente for di Fantastic Gardens den posicion di maneho. E management team nobo a bira Frank Geerman, Ricky Maduro y Rebecca Maduro.

Frank Geerman tin un trayectorio largo na Fantastic Gardens y ya tin 17 aña como miembro di e management team. Rebecca Maduro a termina su studio den Business Administration na Hulanda na 2014 y ta trahando pa Fantastic Gardens pa un tempo caba, Ricky Maduro a termina su estudio di HBO werktuigbouwkunde na Haagse Hogeschool na Delft, Hulanda na 2015 y ta trahando cu Fantastic Gardens desde e tempo ey caba. Tanto Ricky como Rebecca a lanta den e compania desde cu nan tabata mucha y awor ta tuma e timon over for di nan mayornan.

Riba e potret e management team nobo y esun saliente.