WEB: Den proyecto di Recip Fase IV e contratistanan local tambe por participa den destaho

WEB: Den proyecto di Recip Fase IV e contratistanan local tambe por participa den destaho

Posted on 09/19/2019 4:24 pm AST | Updated on 09/20/2019 9:54 am AST

ORANJESTAD - Gerencia di WEB ARUBA a tuma nota di e publicacionnan den e medionan, cu ta critica cu no a duna trabou na e contratistanan local, pa locual ta trata construccion di planta RECIP FASE IV. Pa medio di esaki ta desea di declara lo siguiente. 

WEB Aruba a firma un contrato cu e compania internacional Wärtsilä. E compania aki tin e responsabilidad final pa entrega un proyecto di acuerdo cu e exigencianan contractual. Segun e contract cu WEB Aruba, Wärtsilä tin su procedura formal pa selecta e subcontratistanan cualifica. Ademas Wärtsilä y su subcontratistanan selecta mester cumpli cu e condicionnan di e contract entre otro, pa locual ta garantia, calidad y entrega di e proyecto na tempo. Ademas mester cumpli cu e leynan di Aruba, entre otro laboral, fiscal y e permisonan necesario. WEB Aruba ta vigila cu e seleccion di e subcontratistanan door di Wärtsilä, ta cumpli cu e condicionnan ariba menciona. 

E trabounan di e proyecto RECIP IV ta consisti di tres parti: e parti di e trabounan civil (fundeshi, infrastructura y drenahe) cual ta cay bou di encargo di WEB Aruba, e parti di e trabounan di interconexion cu e e plantanan existente (coriente y tuberia), cual tambe ta cay bou di encargo di WEB Aruba, e trabounan di construccion y instalacion di e planta central (e motornan, transformer, generator etc.) di RECIP IV ta cay directamente bou di encargo di Wärtsilä.

Pa tur e trabounan cu ta cay bou di encargo di WEB Aruba, a tene y lo tene destaho, caminda e contratistanan local a y por participa. Tin dos compania local, cu ya ta contrata pa e trabounan civil. Falta e destaho pa e trabounan di interconexion cual lo sali pronto. Aki tambe ta conta cu econtratistanan local lo mester cumpli cu tur e exigencianan ya menciona, esta cu e condicionnan di e contract y e leynan di Aruba, entre otro laboral, fiscal y e permisonan necesario.

Concluyendo, gerencia ta expresa cu debidamente WEB Aruba ta consciente di e situacion laboral di e contratistanan local. Asumiendo su responsabilidad WEB Aruba, caminda por, ta haci uzo di labor local cualifica. Esaki ta mas importante ainda pa un proyecto asina significativo manera RECIP FASE IV, cual lo mester contribui na un produccion di energia confiabel, pagabel y sostenibel riba cual nos isla, nos ecomomia y nos comunidad ta depende. 

  • HOH: Ocupacion di cama poco poco ta bek na normalidad na hospital

     HOH: Ocupacion di cama poco poco ta bek na normalidad na hospital

    ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas. 

  • Stampiaaruba cu exposion di stampia na Aruba pa celebra 17 aniversario

    Stampiaaruba cu exposion di stampia na Aruba pa celebra 17 aniversario

    ORANJESTAD - Stampiaruba ta cumpli 17 aña di existencia e aña aki, pa cual motibo Stampiaruba kier laga pueblo sa cu “stampia” t’ey keto bay pa basta tempo.

  • Oficina principal di DIMP ta cera awe diaranson pa mantencion

    Oficina principal di DIMP ta cera awe diaranson pa mantencion

    ORANJESTAD – Departamento di Impuesto ta   su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.

  • Den cuadro di reposicionamento, FPNA ta cambia su nomber pa Aruba Conservation Foundation

    Den cuadro di reposicionamento, FPNA ta cambia su nomber pa   Aruba Conservation Foundation

    ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.

  • Parlamentario Ryçond Santos Do Nascimento ta invitado den Noticiacla LIVE awe nochi

    Parlamentario Ryçond Santos Do Nascimento ta invitado den Noticiacla LIVE awe nochi

    ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.

  • AZV: Contracto cu dentista Mayra Rosales ta termina

    AZV: Contracto cu dentista Mayra Rosales ta termina

    ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.

  • Zulo
  • Alpina
  • Powered by SETAR