RCA a eligi su directiva nobo

ORANJESTAD - Dialuna 10 di November a tuma lugar Reunion General na RCA Arena unda a re-eligi Ditto Acosta como Presidente. Na mes momento a gradici miembro di directiva saliente Srta Angelique Simon, Srta Joella Lampe, Lito Lacle y Radi Khan. Miembro nan cu a join e Directiva ta Sra Marieta Leon Fingal cu lo tin cargo di 2do Secretaria y 2do Tesorera, Sra Yazmira Tromp tambe lo fungi como 2do Secretaria y 2do Tesorera. Debutando e hoben Albert Fowler tin e cargo di Vice Presidente y encarga cu varios proyecto interesante y relacion publico, Mauritz Malmberg tin e cargo di Tesorero, Sr Harold Pereira tin function comisario y lo asisti den mantencion y infrastructura. Sr Enrique Gomez ta bek como comisario y lo tin e cargo pisa di mantencion. ‎Enrique Aaron a keda re-eligi y ta sigui como Secretario y alaves ta Presidente Comision Infantil. Sr Junior Tromp a keda re-eligi y lo sigi como comisario encarga cu infrastructura. Lo forma comision mantencion, comision dames pa asina traha riba e parti di mehoracion di cluhuis y alrededor pero tambe sigui activo cu actividad nan grandi cu RCA ta organisa anualmente. Comision infantil ta uno masha activo y tambe a forma e anja aki comishon hubenil. No tin duda cu futbolisticamente RCA ta e organisacion mas exitoso na Aruba pero tambe Directiva kier traha riba infrastructura di e club y introduci programanan super positivo pa nos hubentud pa asina e organisacion tri-color sigi fungi como "Role-Model" pa tur organisacion deportivo na Aruba. Umbes mas directiva ta gradici tur sponsors cu ta contribui pa asina cada mucha por haya materialnan necesario pa train. Neutrogena cu ta sponsor Dames team, Big Wheel Lottery y Powerade cu ta sponsor Hoofdklas, Welcome Back snack cu ta sponsor Junioren, Interprint cu ta sponsor divishon Major, Insel Air cu ta sponsor divishon Menor, Aruba Bank cu ta sponsor Lifida B, Subway cu ta sponsor Lifida A, Wendy's cu ta sponsor RCA Deportivo Babie, Guardian Group cu ta sponsor RCA Babie y Mini Babie. Un danki di curason na tur Leidsters, Coaches y sin lubida divishon veterano Inter y Teachers pa nan aporte na nos organisacion tricolor RCA pa Bida.