Digicel kier trece mas innovacion pa Aruba

Digicel kier trece mas innovacion pa Aruba

Posted on 09/18/2019 5:38 pm AST | Updated on 09/19/2019 4:54 pm AST

(ADVERTORIAL) 

ORANJESTAD - “Fiber Pa Bo Cas” of  na Ingles “Fiber To The Home” ta un servicio cu awe na aña 2019 ta uno indispensabel pa bo. Dicon? E ta basa riba un tecnologia, cu ta uza kabel di fibra optica, pa transmiti un cantidad infinito di data a traves di e fibranan optico di glas. Esaki ta permiti bo transmiti y ricibi mas cu 100 biaha e velocidad, cu ta disponibel awe na Aruba via kabel di koper y cu ta hopi mas stabiel cu e servicionan mobil.

E servicionan aki tur ta basa riba un tecnologia, cu ta laga bo comparti e transmision y e capacidad di data cu tur hende den bo cas, cu tur hende den bo caya y cu tur hende den bo bario. Esaki kiermen cu mas hende uza e servicio pareu, menos capacidad ta keda pa bo como inidividuo. Djis analisa, ora cu bo yiunan na cas ta mirando YouTube HD, Netflix y ta riba nan Playstation pareu. Lo bo ripara mesora cu bo WiFi na cas lo cuminsa baha di speed. Awor kisas tambe bo ta compronde, dicon tin caminda solamente den un camber of den un parti di bo cas tin cobertura. 

Pa uza e FPBC no mester di cambia bo estilo di bida, no tin cu siña con pa traha cu ne. Bo ta djis sigui uza bo WiFi na cas manera semper, pero cu e bentaha cu lo bo por disfruta di hopi mas velocidad y di hopi mas capacidad.

E tecnologia di FPBC no ta nobo. Esaki ya caba ta implementa mas di 15 aña pasa na e paisnan den Europa, Merca y Latino America. Hopi isla den Caribe, danki na Digicel, tambe ya caba tin acceso na FPBC pa cas y pa negoshi. Abo no ta haya cu a bira tempo, cu nos na Aruba mester keda atras of cu nos tambe mester por disfruta di FPBC? 

P’esey Digicel ta insistiendo riba Gobierno, pa por haya e licencianan pa asina por brinda e servicio aki na nos tur. Hecho ta cu mas hende haya acceso na e servicio via kabel fibra optico, mas cliente lo cera conoci cu un velocidad increibel di data y un capacidad mucho mas grandi. Esey lo traduci den miho calidad di bida, un impulso economico pa nos isla y e opcionnan ilimita di producto y servicio via internet. Pensa riba mas forma pa haci yamada, video y sin lubida e trend di “Internet of Things”. 

#FiberPaBoCas 

#FPBC 

#Digicel 

#FiberPaAruba

  • Powered by SETAR