Diabierna RMR ta trata ley di LAFt y carta di gobierno di Aruba

DEN HAAG – Diabierna awor Conseho di minister di Reino (RMR) ta trata e carta cu Gobierno di Aruba a manda Hulanda, cu ta trata e proposicion pa cu cambio di LAFt. Noticiacla.com tin confirma cu na Hulanda Conseho di Minister a ricibi un carta y cu e esaki tabata riba agenda pa trata dia 30 di augustus ultimo. Conseho di Reino tin cu vocifera nan mes riba e carta. Trata e punto di agenda aki por resulta den un decision di parti di e Conseho di Reino; Sea ta acepta e ‘deal’, of no y ki ta e siguiente paso(nan) cu lo tuma contra Aruba of no. 

 E LEY DI LAFT

Manera ta conoci, gobierno di Hulanda no a aprecia e cambio di ley di LAFt, manera cu Parlamento di Aruba a pasa dia 6 di juni ultimo. E ley ta wanta mientrastanto, pendiente kico ta pasa entre Hulanda y Aruba. Dia 30 di augustus RMR mester a vocifera nan mes riba e carta, pero a wanta e punto pa e diabierna proximo, esta dia 20 di september 2019. Pues e ley di LAFt y carta di Gobierno di Aruba pa RMR ta riba mesa, pa keda trata diabierna proximo.