CIBC FirstCaribbean ta organisa un ‘Full Moon Walk’ na San Nicolas cu Stichting Bob Aruba

CIBC FirstCaribbean ta organisa un ‘Full Moon Walk’ na San Nicolas cu Stichting Bob Aruba

Posted on 09/18/2019 4:52 pm AST | Updated on 09/19/2019 9:41 am AST

ORANJESTAD – CIBC FirstCaribbean ta organisa su di dos “Full Moon Walk” e biaha aki na San Nicolas riba diasabra 12 di october 2019. Esaki ta un caminata riba e ruta di Anker na San Nicolas, cual ta cuminsa 7:00 pm y lo termina pa 10:00 pm. E caminata tin diferente meta; un dia nan ta pa recauda fondo pa e Stichting BOB Aruba, como tambe pa e comunidad di Aruba por comparti como famia na Pariba di Brug, disfrutando di e luna yen, cu ta duna un bunita claridad durante e caminata. Na e final di e ruta e participante nan por admira Baby Beach of Rodgers Beach. E prijs ta uno di AWG 20,- y e ta inclui un dry fit T-shirt. 

CIBC FirstCaribbean y Stichting BOB Aruba ta hopi consciente di nos medio ambiente, pa e motibo aki ta pidi e canadornan pa trece nan mesun boter y esaki lo por yen’e na caminda. Tambe ta pidi pa cada persona trece un flashlight, door cu e ta den e oranan di anochi.

Aki na Aruba a organisa 2 evento grandi durante aña 2019. Señora Jamie Bareno, cu ta e representante di e banco, ta e Project Manager di e eventonan aki y ta informa cu esaki ta pues e ultimo caminata di aña 2019 den cuadro di e proyecto di “ Walk for the cure”. Ta invita e comunidad pa yuda sostene y recauda fondo pa e programa di screening pa e damanan di Aruba. E fondonan ta necesario pa mantencion di tur e aparatura necesario pa e sondeo y tambe pa Stichting BOB por sigui brinda e bon servicio pa comunidad. Lo duna update y informacion tocante benta di tickets pa e caminata. Like & Share e Facebook di Stichting BOB Aruba tambe, pa asina por gana tickets pa e caminata. E ticketnan ta disponibel na oficina di IBISA situa na Frankrijkstraat 1, Oranjestad, Aruba desde 16 di september 2019. Ta invita comunidad pa please anota e fecha den e agenda, pa asina por forma parti di e di dos ‘full moon walk’, cu lo ta pa un hopi bon causa.

 

 

  • Notariskantoor Helmeyer a habri su porta

    Notariskantoor Helmeyer a habri su porta

    (ADVERTORIAL)

  • Kiwanis Club of Aruba a prepara y parti paketenan di cuminda

    Kiwanis Club of Aruba a prepara y  parti paketenan di cuminda

    ORANJESTAD - Despues di entrega “laptop” na e studiantenan di Colegio San Nicolas, a sigui e siguiente proyecto di Kiwanis Club of Aruba, cu ta prepara y parti paketenan di cuminda. E proyecto ta pa duna sosten y ayudo na e famianan y e comunidad di Aruba, cu ta pasando den momentonan dificil consecuencia di e pandemia COVID-19. Durante e tempo aki di crisis sin precedente cu Aruba y mundo ta enfrentando, e miembronan di Kiwanis Club of Aruba ta trahando duro riba diferente proyecto. E idea tras di Kiwanis Club of Aruba su proyecto di cuminda a surgi door cu e club ta conta cu 45 miembro y cada miembro ta adopta asina un famia. E famia lo ricibi paketenan yena di cuminda. Kiwanis Club of Aruba ta trahando cu diferente instancia pa asina haya e informacion di e personanan cu mester di un ayudo. E proyecto tin un duracion di 3 luna cuminsando e luna aki di mei y asina continua den e lunanan di juni y juli. Tur luna Kiwanis Club of Aruba lo yuda 45 diferente famia. En total lo yuda 135 famia y alrededor di AWG 25,000. 00 na cuminda. 

  • Kiwanis Club of Aruba trahando riba proyectonan durante crisis

    Kiwanis Club of Aruba trahando riba proyectonan durante crisis

    ORANJESTAD - Durante e tempo aki di crisis sin precedente cu Aruba y mundo ta enfrentando, e miembronan di Kiwanis Club of Aruba ta trahando duro riba diferente proyecto. E proximo simannan, e proyectonan aki lo wordo realisa pa asina duna sosten y ayudo na e famianan y e comunidad di Aruba, cu ta pasando den momentonan dificil consecuencia di e pandemia COVID-19. 

  • ‘Kawana’ huntu cu comunidad di Aruba a duna Mama un Regalo!

    ‘Kawana’ huntu cu comunidad di Aruba a duna Mama un Regalo!

    ORANJESTAD - Agrupacion local “Kawana” a lansa nan ultimo senciyo Titula “My Momma”.Un cancion composita i dedica na tur e mamanan.E senciyo aki tambe ta acompania pa un video clip cual a resulta di ta un masha especial ya cu e la wordo hasi door di e fans nan I hendenan den nos comunidad manera frontliners I personahenan publico manera artistanan dj’s etc,, E reacshon tawata uno hopi positivo, espontaneo I melancolico na mes momento.,E team di “Kawana” huntu Sunny ray Aruba,Cheng Media y Sketch Advertising kier gradici tur cu a participa I sostene e proyecto aki .Danki na e esfuerso colectivo a logra yega na un producto final hopi especial y bunita pa nos mamanan. Pa wak e video, click AKI

  • ARTN Photography y SK Click a uni pa proyecto di mosaic pa Aruba

    ARTN Photography y SK Click a uni pa proyecto di mosaic pa Aruba

    ORANJESTAD – E dos companianan ARTN Photography y SK Click a uni pa proyecto di mosaic pa Aruba . SK Click Aruba ta un compania conoci aki na Aruba cu ta ofrece servicio nan di photo booth pa diferente tipo di evento. Apesar di esaki, nan ta ofrece servicio di un mosaico. Nan ta colecta diferente potret y pone esaki hunto y ta forma un otro potret y na final print esaki riba un material grandi. SK Click a yega di haci esaki den pasado pa Filomena College Mavo (Por mira potret attached).

  • ‘Kawana’ ta lansa nan ultimo senciyo titular ‘The Crowd’

    ‘Kawana’ ta lansa nan ultimo senciyo  titular ‘The Crowd’

    ORANJESTAD  Agrupacion local Kawana  a lansa nan ultimo senciyo titula “The Crowd”. Un  reggae solido  composita y aregla pa  “Kawana”. Un Co-produccion di Sunny Ray Studios di Jeremy Bonarriba hunto cu Kembo Cheng di Cheng Multi Media. Y for di Jamaica productor Altafaan di Altafaan Records.”The Crowd” ta bini huntu cu un video clip cu ta destaca e conosido MMA Fighter Arubano Evan Nedd.  E video clip ta dirigi y produci pa Rob Arismendi y Natalia de Windt di Sketch Advertising . Sperando asina di por  duna e amantenan di bon reggae  un produccion di calidad cu sigur lo sa di disfruta esaki.”The Crowd” Ta obtenible riba tur serviconan principal di streaming manera Spotify I Pandora ,tambe riba Itunes I Amazon music. Y por solicita cerca e dj’s na bo radio  stacion preferi. “The Crowd” un colaborashon entre Aruba I Jamaica! Click AKI pa e video. 

  • Powered by SETAR