HAVA y Vakgroep Urologie ta lamenta con campaña contra cancer di prostaat ta canando

ORANJESTAD – No ta tur hende ta di acuerdo, con e campaña pa check prostaat pa cancer ta canando. E siman aki asociacion di dokter di cas HAVA y e asina yama Vakgroep Urologie a reacciona riba e campaña aki. Segun e grupo den un comunicado, ta mustra, mientras cu nan ta contento cu e atencion pa cancer di prostaat, nan kier evita malcomprondemento y panico innecesario den comunidad. 

CONSULTA

Den e comunicado, e dos gruponan aki ta mustra cu nan ta lamenta cu e instancianan manera Fundacion Cancer di Prostaat, Fundacion Wilhelmina Kanker Fonds (WKF) y Directie Volks Gezondheid (DVG) no a consulta cu nan prome cu a sali afo cu e campaña menciona. Tambe loke nan (HAVA y Vakgroep Urologie) tin problema cu ne ta e proceso di ‘libremente check bo PSA sin sa e informacion tras di e test. Como tal nan a comunica un serie di punto den nan comunicado, cu e intencion di trece clarificacion pa manera cu nan a bisa caba, ‘evita mal comprondemento’. Lesa e comunicado completo AKI.