Vigilancia di prison na Corsou a basha bala pa tumba drone

Vigilancia di prison na Corsou a basha bala pa tumba drone

Posted on 09/18/2019 11:33 am AST | Updated on 09/18/2019 11:33 am AST

WILLEMSTAD - Ayera nochi vigilancia di prison a basha bala pa tumba drone cu tabata bula riba prison. Hopi bala cu a pone e presonan mes core sconde caminda tabata por den nan cel, mirando cu e balanan tabata dal den hero y bin abou. Awe mainta hasta tin preso a haya bala den nan cel. E presonan awe mainta a cuminsa protesta y ta pidiendo reunion urgente cu gerencia di prison. Cortesia Extra.

  • Corsou a lanta dialuna cu otro caso positivo activo di COVID-19

    Corsou a lanta dialuna cu otro caso positivo activo di COVID-19

    WILLEMSTAD – Corsou a conoce su di 20 caso positivo di coronavirus COVID-19. E ta un di e 4 casonan cu tabata den cuarentena caba. Cu esaki tin 4 caso positivo activo, 15 cu a recupera, 1 cu a fayece. Di e 20 casonan 16 tabata casonan local, y 4 den cuarentena

  • Hotel grandi na Corsou ta cera porta pa un aña debi na COVID-19

    Hotel grandi na Corsou ta cera porta pa un aña debi na COVID-19

    WILLEMSTAD – Corsou su sector laboral a haya un sla formal awe cu anuncio di Santa Barbara Beach & Golf Resort su anuncio cu ta cera nan porta pa un aña. Segun e comunicado di e compania, nan a sufri basta di COVID-19, y tambe prome cu esey. “E impacto financiero di COVID-19 riba e propiedad tabata y lo sigui ta masivo y no tin un bista cla di ki tempo e negoshi lo drai riba un nivel aceptabel” e comunicado ta bisa. 

  • Mercera: Corsou su hotelnan ta cla pa ricibi turistanan bek

    Mercera: Corsou su hotelnan ta cla pa ricibi turistanan bek

    WILLEMSTAD – Corsou ta cla pa ricibi turistanan bek. Asina e CEO di Curacao Hotel And Tourism Association (CHATA), Miles Mercera a confirma pa noticiacla.com diaranson mainta. E ta confirma cu tur hotel ta cla caba, wardando Corsou habri su fronteranan pa laga turistanan drenta. Mientrastanto CHATA a informa cu nan a coordina inspeccion di propiedad, hunto cu CTB, Tourism Management Curaçao (TMC) y e crisis team, cu un seleccion di propiedad pa wak con nan ta implementa e protocolnan.  

  • Corsou cu 2 caso positivo importa di COVID-19 den dos dia

    Corsou cu 2 caso positivo importa di COVID-19 den dos dia

    WILLEMSTAD – Dialuna mainta, Corsou a raporta su di 2 caso positivo pa coronavirus COVID-19 den dos dia, despues cu pa un luna no tabatin nada. E casonan aki segun epidemiologo Izzy Gerstenbluth, ambos ta importa di yiunan di Corsou cu tabata den exterior y a repatria recientemente. Ambos tabata den cuarentena y a desaroya e simptoma pa cual a test y a sali positivo. Nan tabatin contacto cu otro tambe segun Gerstenbluth. Cu esaki, e cantidad ta bira 18 total. Tambe a subraya asina cu pesey ta importante pa sigui mantene e regla di cuarentena obligatorio, mirando cu esaki ta e menasa ora cu bin hende di afo. Localmente no tin transmission mas, segun Gerstenbluth. 

  • Corsou a raporta un caso positivo nobo di COVID19

    Corsou a raporta un caso positivo nobo di COVID19

    WILLEMSTAD – Corsou diasabra mainta a raporta su di 17 caso positivo di coronavirus COVID-19. Ta trata di un caso di un persona di Corsou cu a repatria di tera afo y tabata den cuarentena caba. Segun dr Izzy Gerstenbluth, e persona aki a haya simptoma, a test e y e la sali positivo. E ta den isolacion aworaki y a cuminsa haci e contact tracing. Tin 5 persona cu ainda ta siguiento. Tin 431 hende cu ta den cuarentena cu a bin di afo, y lo bin mas sigur. Tin dos hende na marina cu ta raporta riba esaki y tin 12 hende di FOL cu ta wordo monitoria constantemente. Un barco crucero cu 191 persona tambe ta wordo controla tur dia segun Gerstenbluth. 

  • Video ta capta accidente entre dos auto riba Caracasbaaiweg na Corsou

    Video ta capta accidente entre dos auto riba Caracasbaaiweg na Corsou

    WILLEMSTAD - Diaranson atardi tabatin un accidente di trafico na Corsou, riba Caracasbaaiweg unda cu dos vehiculo a dal otro unda cu bomberonan mester a asisti. Lo remarcable ta cu e accidente aki a keda registra via cameranan di seguridad, unda cu por mira claramento con e dos autonan ta dal den otro, lagando ambos auto practicamente total loss. Por mira con un auto ta bayendo abou, y ta topa diripiente cu un auto cu ta dicidi di bira man robez y pasa dilanti di e auto contrario. Ambos tabatin velocidad cu a pone cu e impacto tabata fuerte. No ta conoci kico e situacion di esnan den ambos auto tabata. E video ta uno cu ta circula riba rednan social. Noticiacla.com ta desea esnan envolvi hopi forza y pronto recuperacion. 

  • Powered by SETAR