Plataforma Aruba kier invita bo haci pregunta na Biblioteca Nacional

ORANJESTAD - Arte visual contemporaneo ta nace for di e comunicacion entre un obra y su audiencia. E preguntanan cu esun cu ta wak ta haci su mes, ta un parti importante di e comunicacion. Esaki ta e enfoke di e evento Kico bo ta Wak? cu lo tuma luga diaranson 18 di september. Durante e anochi interactivo aki Plataforma Aruba kier crea un espacio, unda e audiencia por descubri e maneranan nobo di experiencia arte visual contemporaneo. E artistanan visual local; Osaira Muyale, Zoe Velvet Ramos y Irvin Aguilar lo comparti nan obra y vision di arte.

E evento lo tuma luga na Biblioteca Nacional Aruba (Oranjestad) di 6:00 pm - 8:00pm.

Arte Contemporaneo den Biblioteca ta un colaboracion cu Biblioteca Nacional Aruba, unda ta brinda e comunidad Arubano un coleccion di publicacion relevante tocante arte visual contemporaneo. E proyecto ta acompaña pa un serie di evento na Biblioteca Nacional Nacional (Oranjestad), cu lo toca e temanan di e publicacionnan den e coleccion.  

E programa publico di Arte den Biblioteca ta realisa cu e sosten di UNOCA.