Rey Willem Alexander: Bon aña...otro aña pa Hulanda pero cos lo cambia

DEN HAAG – E pronostico pa otro aña ta mustra bon, pero Gabinete (Rutte) a alerta caba pa tene cuidou cu ganashi. “Hulanda ta drenta un fase di crecemento economico modera e proximo añanan”. Asina Rey Willem Alexander a bisa den su discurso anual na ocasion di aña Parlamentario nobo na Hulanda. Pa loke ta Caribe Hulandes, apenas a bisa algun frase (manera custumber). Media Hulandes ta categorisa e tono di e discurso como positivo. Awe tabata e di 7 biaha cu Rey Willem Alexander a lesa e discurso. Segun e Gabinete (e discurso ta skibi pa Gabinete Rutte), otro aña ta bira uno positivo. Compara cu r otro paisnan Europeo, e cosnan ta bay bon economicamente, ainda. Pero tin e temponan malo na caminda segun Rey Willem Alexander. E motibo ta entre otro Brexit, cu ta impone su sombra, y e guera comercial entre Merca y China. Lesa e discurso completo AKI.