Spaña a rechasa pa extradita Carvajal pa Merca y a lag’e den libertad

MADRID – Husticia Spaño a rechasa e peticion di Merca, pa extradita e ex general, Hugo Carvajal, pa supuesto delito di narcotrafico. Esaki ta bira e di dos biaha cu un pais ta nenga extradita Carvajal pa Merca, y ta duna e persona su libertad. E prome biaha tabata Hulanda, cu a ordena libertad di Carvajal na Aruba y a nenga pa extradit’e pa Merca pa e mesun cargonan. Awe mes Carvajal ta recobra su libertad, segun e portal El Nuevo Herald di Miami. 

E CASO

Riba peticion di Merca, Spaña a detene Carvajal un tempo pasa (april di e aña aki) pa procesa e peticion. E caso a tuma lugar diahuebs, manera cu NoticiaCla.com a raporta caba, unda cu Carvajal a bringa su extradicion. Awor, corte mes ta raporta cu nan a dicidi dialuna cu no ta duna e extradicion, segun Audiencia Nacional.