• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Ex Veneto a bira Corendon Mangrove Beach Resort na Corsou

WILLEMSTAD.- E hotel di mas grandi di Corsou, comberti den Corendon Mangrove Beach Resort ta “sold out” na su apertura di e prome fase dia 1 di april 2020. Esaki e propietario sr. Atilay Uslu a duna di conoce durante un presentacion na prensa y e invitadonan, dje hotel na Otrobanda (antes Veneto Hotel).

Atilay Uslu ayera durante su presentacion a splica ken e ta. El a nace na 1968 na Turkia. December 1969 hunto cu su dos ruman y mama a bay biba na Hulanda, Haarlem, despues cu su mama a tende, cu su tata tin un otro señora. Na 1990 e tabatin su prome experiencia cu negoshi; 1994 el a start cu un agencia di biahe. E momento aki su calidad no tabata halto. 1997 Corendon a start.

E ta spera cu 1 di april 2020 lo habri su portanan. Ya caba el a haya financiamento di APC pa e di dos fase, cu asina nan por cuminsa mesora y termina otro aña, prome cu november. “Nos mester keda cla, pasobra e hotel ta “sold out”. E prome huesped ta yega dia 1 di april 2020”, el a bisa.

Impacto dje hotel na Corsou ta di 53 miyon dollar, di cual 10 miyon dollar lo bay pa personal.

E hotel lo ta un ‘resort’ cinco strea ‘utra all-inclusive’ cu Corendon Hotels & Resort. Despues cu finalisa e reconstruccion completo, Corendon Mangrove Beach Resort cu su 850 camber, lo ta e hotel di mas grandi den Caribe. Corendon ta realisa den e prome fase un hotel di 381 camber y 18 ‘suite’, cuater piscina, nuebe restaurant y bar, un parke di awa y tres sala di reunion.

Mirando cu e ‘resort’ ta situa den un area di naturalesa unico, caminda tin Palo di Mangel, Corendon lo bay limpia tanto e Palonan di Mangel riba su propio tereno, como tambe e areanan cu ta cerca di esaki. Lo limpia e tereno den consulta cu e organisacionnan di conservacion di naturalesa riba e isla, lo deshaci di e seronan di sushi manualmente y lo drecha henter e area.

Huntu cu Aqualectra Kòrsou, Corendon ta comparti e ideanan, pa desaroya e solucionnan innovativo, pa crea un concepto hotelero sostenibel. Corendon ta uza e panelnan solar pa Corendon Mangrove Beach Resort, pa asina genera 2.3 megawat di elektricidad y di e forma ey e ‘resort’ ta completamente autosuficiente. Ademas ta haci uzo di awa di lama pa ducha, labamano, toilet y e piscinanan, aplicando e sistema di ‘reverse osmose’. Despues cu filtra e awa residual cu ta sali for di esaki, ta uza un kwart pa e hardinnan. E tres kwart restante, e hotel ta duna gratis na cunukeronan, pa di e forma ey contribui na un medio ambiente duradero.

Na aña 2018 Corendon a cuminsa cu renobacion y expansion di e compleho basta bieu di Holiday Beach. Na prome instante e ‘resort’ lo brinda trabou na alrededor 350 empleado. Ademas Corendon ta funda su propio academia, caminda ta forma e personanan di e isla como coki, waiter of personal di ‘front office’ manera recepcionista. Den e di dos fase, lo desaroya 450 camber mas. Segun expectativa lo entrega esakinan na fin di 2020. Esaki tambe lo percura pa cupo di trabou pa 250 habitante di Corsou.

Corendon Hotels & Resort ta traha hunto cu e organisacionnan y e artistanan, cu ta dedica na herencia cultural y arte di e bario di Ref, cu ta keda den Otrobanda, caminda e ‘resort’ ta situa. Decena di obra di arte di e artistanan di den e bario, ta haya un espacio na e luganan prominente den e ‘resort’. Di e forma aki e huespednan ta cera conoci cu arte, cultura y herencia di e isla y asina ta stimula nan pa explora e bario den forma di un ‘walking tour’. Durante di e recorido e habitantenan y e artistanan ta duna informacion tocante historia y cultura di e isla y e bario.

E ‘ultra all-inclusive resort’ tin nuebe establecimento di ‘horeca’, cu un variedad sumamente amplio. Den e ‘buffetrestaurant’ ta prepara e platonan internacional cu e productonan di calidad superior. Banda di esaki tin tambe un restaurant ‘á la carte’, caminda e huespednan por disfruta di un experiencia culinario Hapones. Den The Don Cigar Lounge e huespednan por disfruta di e miho whisky, siga, coñac y delicioso cocktail.

Banda di e piscinanan, tin tambe un paraiso di slip (‘glijbaan’). E parke di awa di e hotel ta consisti di seis slip di cua, King Cobra, ta esun mas espectacular cu su cabes, e colornan y patronchi di kolebra, manera Cobra. Ademas King Cobra ta e unico slip den su sorto den Caribe.

Cortesia Extra.