Trahadonan di MetaCorp a pidi Parlamento e.o. wanta tratamento di ley di Serlimar

ORANJESTAD – Considera como e ultimo salbacion, trahadonan di MetaCorp a presenta diabierna atardi na Parlamento pa entrega presidente Ady Thijsen un manifiesto di dos pagina. E vocero di e grupo, Julio Wever a lesa esaki unda cu a para keto na tur tres di e companianan cu segun MetaCorp ta wordo afecta pa decision di gobierno manera pasamento di e ley di Serlimar, y e posibel ley di impuesto di sucu. Segun Wever, no a keda e trahadonan nada otro di recuri na Parlamento. “ Papia cu Gobierno no a duna resultado. Alcontrario, tur dia nos companianan ta bou atake frontal di e mandatarionan. Nos peticion ta pa Su Honorabel Presidente di Parlamento considera pa wanta cu e reunion aki y duna nos oportunidad pa expresa nos preocupacionnan rond di e cambionan den ley aki. Nos no por kita for di e pensamento cu cambionan di ley manera proponi awor, ta traha cu e unico meta pa cera nos companianan cu consecuencia cu nos ta keda sin pan riba mesa” Wever a sigui bisa.

100 AÑA

Segun Wever su pregunta, despues di casi 100 an?a di aporta na economia di Aruba, asina Gobierno ta trata su empresa mas bieu di nos isla? “Acaso nos nunca a demostra di ta un bon ciudadano corporativo?”. “Sen?or Presidente, nos ta confia den Bo sano huicio, Bo sentido di responsabilidad pa tin un balansa den tur decision y den tur ley, Bo conocemento di e mercado laboral y Bo empen?o semper pa e clase trahado, cu den Bo man nos bos lo por alcansa e nivelnan necesario pa bin apertura di dialogo real den busca di solucionnan practico” Wever a sigui bisa.

PROMESA

Presidente di Parlamento Ady Thijsen a priminti di tira un bista riba e manifiesto y despues lo informa e trahadonan un ke otro. No a haci ningun promesa si na Wever, manera entre otro para e  ley di pasa pa yuda Serlimar. Pa loke ta e ley di impuesto riba sucu, Thijsen a bisa cu e ley ey ainda ta na Gobierno bou di evaluacion y no a yega Parlamento pa tratamento pues riba esey tampoco e por a bisa mucho. Despues di e entrega, e trahadonan a bandona e area di Parlamento. Durante e presentacion, tabatin un rij largo di dos via, yena cu vehiculonan cu ta representa tur e companianan di MetaCorp. Lesa e manifiesto completo AKI.