Xander Bogaerts a logra otro hazaña historico den baseball Mericano

Xander Bogaerts a logra otro hazaña historico den baseball Mericano

Posted on 09/13/2019 11:30 am AST | Updated on 09/13/2019 11:31 am AST

TORONTO – Durante e wega di baseball profesional Mericano, e pelotero profesional di Aruba, Xander Bogaerts, a logra otro hazaña importante pa su carera. Tabata durante e wega di diahuebs contra Toronto Blue Jays, cu el a bati su di 50 doblete di temporada. Boston a gana e wega cu score di 7-4. Loke ta haci e hazaña importante ta, cu ta Bogearts ta bira e di dos hungador di Boston den su historia, cu tin por lo menos 30 homerun y 50 doblete den un aña. Ta solamente David Ortiz a logra esaki na 2007.  E Arubiano ta drenta den historia di Major League Baseball, e di dos short shop cu ta logra esaki despues di Alex Rodriguez, cu a logra esaki na 1996. Mas prome e siman aki, Bogaerts a logra dal su di 1000 hit. Banda di Bogaerts, su colega di partido Rafael Devers ta su tras cu 29 homerun y 50 doblete. “Nos ta hopi orguyso di dje” manager Alex Cora a bisa di Bogaerts. “No ta solamente e cifranan, sino tambe loke e ta nifica pa e club, e lider cu e ta demostra di ta. Den un temporada malo, e t’ey tur dia”. 

SERIE MUNDIAL

?Boston Red Sox sinembargo, ‘oficialmente’ ta elimina di e contienda pa serie mundial e aña aki. Cu apenas 15 wega prome cu e temporada termina, e ekipo ta na di 3 luna, 10 wega tras di number dos Tampa Bay. E ganador di cada division ta bay playoff mesora, mientras cu e di dos lugar ta hunga pa e asina yama ‘wild card’. No ta conoci si Boston por logra esaki ainda. Di tur forma, mientras cu Boston ta sufriendo e temporada aki, Bogaerts si ta trahando un nomber pa su mes. E aña aki e ta gana 12 miyon dollar, mientras cu otro aña, su contract grandi di 120 miyon dollar ta cuminsa core.

  • Get in shape now

    Get in shape now

    (ADVERTORIAL )

  • Seleccion nacional di futbol di Aruba ta perde 6-0 di Jamaica na Corsou

    Seleccion nacional di futbol di Aruba ta perde 6-0 di Jamaica na Corsou

    WILLEMSTAD – E seleccion nacional di futbol di Aruba a perde contra Jamaica cu e score di 6-0 diamars anochi. Diasabra caba nan a topa Aruba, pero e wega ultimo aki a bay mucho miho pa e ekipo cu ta bay cu e nomber ‘Reggae Boyz. 

  • Mientras Jonathan Busby a bolbe Aruba, a invita Braima Dabo tambe

    Mientras Jonathan Busby a bolbe Aruba, a invita Braima Dabo tambe

    ORANJESTAD – Mientras cu dialuna e atleta, Jonathan Busby, a bolbe Aruba di Doha, Qatar, su ‘colega’ atleta Braima Dabo di Guinea Bissau y a keda oficialmente invita pa bishita Aruba. Prome Minister di Aruba, Evelyn Wever Croes a confirma pa noticiacla.com cu enberdad a invita e atleta (via oficina di turismo di Aruba) pa e bin conoce nos isla di cerca. Esaki despues cu Dabo a ‘sacrifica’ su careda na Doha pa yuda Busby cruza e final di e competencia di 5000m durante e 2019 IAAF World Athletics Championships. 

  • Aruba a logra varios medaya den ‘Curaçao Open 2019’ di Karate

    Aruba a logra varios medaya den ‘Curaçao Open 2019’ di Karate

    ORANJESTAD - Aruba a logra varios medaya den ‘Curaçao Open 2019’ di Karate. Asina Aruba Karate Bond (AKB) ta informa. Segun AKB, cu hopi placer e directiva a ricibi e seleccion di karate na Aruba bek. Ta trata aki di Janilaine Bello, Trinity Meza Orellana y Alejandro Gonzalez Lujan kende a yega contento for di hermana isla, Corsou, despues cu nan a participa na e campeonato yama ‘Curaçao Open 2019’. E campeonato aki tabata uno di hopi accion, unda un total di 10 pais a participa, entre otro Boneiro, Argentina, Martinique y Trinidad. 

  • Team BZN a gana di 46 International Billfish Tournament di Bucuti Yacht Club

    Team BZN a gana di 46 International Billfish Tournament di Bucuti Yacht Club

    ORANJESTAD – E team di BZN a gana e di 46th International Billfish Tournament di Bucuti Yacht Club diadomingo anochi. E team, consistiendo di e capitan Terence Laclé, Angler Paul Gielen y team captain Gregory Maduro, a ‘release’ 1 white marlin y dos sailfish pa bay cu e prome premio. Na di dos lugar a keda Living Easy, 3 lugar Energy y na di 4 lugar  e team Alina. Como best angler a keda Paul Gielen, best Captain Terence Lacle, y Gregory Maduro team captain. Potret cortesia Paul Gielen.

  • Sarah Quita Offringa a gana e evento di Wave na Alemania den fin di siman

    Sarah Quita Offringa a gana e evento di Wave na Alemania den fin di siman

    SYLT - Sarah Quita Offringa a gana e evento di Wave na Alemania den fin di siman. Esaki ta momento cu e ta ricibi su premio y subi podium na Sylt !!! Si e gana e  competencia fin di luna na Maui, Hawaii, e por bira e overall winner den e evento di Wave. Nunca antes un atleta di PWA World Tour no a logra gana e tres disciplinanan di Wave, Freestyle y Slalom. Awor Sarah Quita tin titulo mundial di Slalom y Freestyle.

  • Powered by SETAR